Expert

Þann 1. janúar 2024 sameinuðust fyritækin Fastus, Expert, Expert kæling og GS Import undir einni kennitölu. Hið sameinaða félag heitir Fastus ehf. en skiptist í tvö meginsvið; Fastus heilsu og Expert. Af þessu tilefni hefur farið fram gagnger endurskoðun á útliti fyrirtækjanna og heildarásýnd. Fastus ehf er framsækið þjónustufyrirtæki sem sér fyrirtækjum og stofnunum fyrir hágæða vörum, tækjum og búnaði. Markmið okkar hefur frá upphafi verið að byggja upp lifandi fyrirtæki sem skarar fram úr á krefjandi markaði og vera fyrsti valkostur viðskiptavina, birgja og annarra samstarfsaðila. Forsenda þess er þekking, reynsla og metnaður starfsfólks sem nýtur þess að ná árangri og vaxa með hverju verki. Nánari upplýsingar á www.fastus.is

Vinnustaðurinn

Deildarstjóri söludeildar

Fastus, sem er öflugt þjónustu- og innflutningsfyrirtæki, óskar eftir að ráða metnaðarfullan deildarstjóra til að stýra og þróa eina af söludeildum fyrirtækisins. Starfsmenn deildarinnar sinna m.a. þjónustu, hönnun og ráðgjöf sem og sölu á fjölbreyttum tækjum, tólum og húsgögnum til stóreldhúsa, veitingastaða, hótela og fyrirtækja.

Ef þú hefur brennandi áhuga á sölu, býrð yfir leiðtogafærni og sterkum vilja til að ná árangri, þá gæti þetta verið tækifæri fyrir þig!

Helstu verkefni og ábyrgð

Þróun nýrra markaða
Ábyrgð á gerð, framfylgd og mati á árangri söluáætlunar
Þróun og framkvæmd rekstraráætlunar
Ábyrgð á árangursríkum samskiptum við erlenda birgja
Stuðningur við söluráðgjafa eftir þörfum í samskiptum og þjónustu við viðskiptavini
Umsjón mannauðsmála sviðsins í samráði við næsta yfirmann og mannauðsstjóra

Menntunar- og hæfniskröfur

Háskólamenntun sem nýtist í starfi
Frumkvæði og reynsla af sölu og sambærilegum störfum
Rík samskiptafærni, leiðtogafærni og geta til að vinna í teymi
Skipulögð vinnubrögð og geta til að sýna frumkvæði í starfi
Góð íslensku- og enskukunnátta

Fastus ehf er framsækið þjónustufyrirtæki sem sér fyrirtækjum og stofnunum á heilbrigðissviði, og í rekstri tengdum matvælum og iðnaði, fyrir tækjum, búnaði og rekstrarvörum. Hjá Fastus starfar fjölbreyttur og fjölhæfur hópur sérfræðinga sem leitast við að finna viðeigandi lausnir fyrir sérhvern viðskiptavin félagsins. Nánari upplýsingar á www.fastus.is og www.expert.is

Við hvetjum áhugasama aðila, án tillits til kyns og uppruna, til að sækja um.

Auglýsing birt17. janúar 2025

Umsóknarfrestur30. janúar 2025

Tungumálahæfni