Markaðs- og sölustjóri/CMO

Við leitum að öflugum og reynslumiklum aðila til að leiða markaðs- og sölustarf Alfreðs. Ef þú brennur fyrir markaðs- og sölumálum og hefur gaman af hröðu umhverfi og áskorunum þá er þetta starfið fyrir þig.

Markaðs- og sölustjóri heyrir beint undir framkvæmdastjóra og starfar náið með öðrum stjórnendum fyrirtækisins, starfsfólki og sérleyfishöfum erlendis. Í starfinu felst að byggja upp vörumerki félagsins, viðhalda sterkum viðskiptasamböndum og nýta tækifæri til frekari vaxtar hérlendis sem erlendis.

Markaðs- og sölustjóri Alfreðs hefur einstakt tækifæri til að setja mark sitt á framtíðina og verða hluti af alþjóðlegu fyrirtæki sem er í miklum vexti.

Alfreð hefur stækkað ört undanfarin misseri og er í stöðugri þróun. Auk þess að reka ráðningarkerfi undir merkjum Alfreðs, hérlendis sem erlendis, rekum við einnig Giggó, vettvang fyrir gigg-hagkerfið. Við leggjum áherslu á metnaðarfullt og faglegt markaðsstarf og þróun í takt við þarfir viðskiptavina.