Árangursdrifinn viðskiptastjóri

Við leitum að hæfileikabúnti með reynslu í stöðu viðskiptastjóra.

Á Hvíta húsinu koma viðskiptastjórar að nær öllum verkefnum sem unnin eru fyrir viðskiptavini. Þeir eru brúin á milli okkar og viðskiptavina. Viðskiptastjóri þarf þess vegna að hafa mikla skipulags- og samskiptafærni og eiga auðvelt með að fá fólk í lið með sér.

Í Hvíta húsinu fæðast stórar sem smáar hugmyndir á degi hverjum og því er lykilatriði að viðskiptastjórinn hugsi í lausnum, sé árangursdrifinn og jákvæður. Viðskiptastjórinn tryggir skilvirka framgöngu verkefna og að stofan mæti ávallt þörfum og væntingum viðskiptavina sinna - og gott betur.

Það er alltaf líf og fjör á Hvíta húsinu, enda er andinn og samfélagið á vinnustaðnum eitt það mikilvægasta sem við búum að.

Við hvetjum öll sem spegla sig í þessari lýsingu til að sækja um.