Sölu- og þjónustufulltrúi á fyrirtækjasvið óskast!

Hæ!

Við leitum að öflugum sölu- og þjónustufulltrúa á fyrirtækjasvið Hringdu. Um er að ræða 100% starf og er aldurstakmark 22 ár.

Starfið

Í starfinu felst að sækja og þjónusta bæði nýja og núverandi viðskiptavini með allt sem tengist okkar vörum og þjónustu, á mannamáli. Þú ert andlit fyrirtækisins, með jákvætt viðmót, hugsar í lausnum, elskar mannleg samskipti og vilt umfram allt veita frábæra þjónustu!

Hvað ertu að fara gera?

• Hringja út sölulista og veita ráðgjöf
• Taka þátt í skipulagi og framkvæmd söluátaka
• Verkefnastýra og fylgja eftir seldri þjónustu
• Afgreiða pantanir og breytingar í síma, verslun og á netinu
• Aðstoða viðskiptavini með reikninga og einföld tæknileg mál
• Eiga samskipti við okkar helstu birgja
• Tækla ýmis önnur verkefni sem koma upp á
  
  

Hæfniskröfur

• Stúdentspróf/iðnpróf eða reynsla sem nýtist í starfinu!
• Metnaður, frumkvæði og sjálfstæði í vinnubrögðum
• Góðir samskiptahæfileikar og rík þjónustulund
• Áhugi á fjarskiptum, netbúnaði og nýjustu snjalltækjum
• Snyrtimennska
• Góð íslensku- og enskukunnátta
• Reynsla af sölustörfum

Ef þér líst vel á okkur og starfið hvetjum við þig til að sækja um!

Um Hringdu

Hringdu er lítið en ört vaxandi fjarskiptafyrirtæki þar sem hæfileikaríkir einstaklingar geta unnið sig upp í starfi. Hér vinna fáar hendur mörg og mismunandi verk og er því starfið fjölbreytt, reynslumikið og ríkt af ábyrgð. Við fáum sendan mat í vinnuna fimm daga vikunnar og skálum alla föstudaga. Starfsmannafélagið Svaraðu sér fyrir góðu skemmtanalífi og hér elska allir kaffi, ketti & hunda.

Hringdu var valið Fyrirmyndafyrirtæki hjá VR árið 2017, 2018, 2019, 2023 og Fyrirtæki ársins 2020, 2021, 2022 & 2024.

Hringdu var með ánægðustu viðskiptavini í net- og símaþjónustu skv. Meðmælingu Maskínu 2019-2024.