Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Akademísk staða í verkfræðideild

Háskólinn í Reykjavík óskar eftir að ráða í akademíska stöðu við verkfræðideild. Ráðið er í stöðu lektors, dósents eða prófessors og verður starfsheiti ákvarðað út frá formlegu hæfnismati. Deildin hvetur konur sérstaklega til að sækja um stöðuna.

Í boði er 100% framtíðarstaða í hópi kennara í rekstrarverkfræði við Háskólann í Reykjavík. Leitast er eftir að ráða kennara sem hefur metnað til að vera fræðilegur leiðtogi er skapar alþjóðlega, samkeppnishæfar rannsóknir og framúrskarandi nemendur. Helstu áherslusvið innan rekstarverkfræðinnar byggja á aðgerðagreiningu, hermun, verkefnastjórnun og stjórnun aðfangakeðja.

Í boði er lektors- dósent- eða prófessors staða, allt eftir hæfni umsækjanda.

Helstu verkefni og ábyrgð

Viðkomandi mun kenna um það bil þrjú námskeið á ári, auk þess að leiðbeina meistara- og doktorsnemum.
Gert er ráð fyrir að viðkomandi geti þróað námskeið í stjórnun aðfangakeðja, aðgerðagreiningu, hermun, verkefnastjórnun og/eða gagnavinnslu.
Að þróa og afla fjármögnunar fyrir rannsóknarverkefni og framkvæma þau með góðum árangri svo og að leiðbeina framhaldsnemum og nýdoktorum.
Gert er ráð fyrir að viðkomandi taki þátt í stjórnunarstörfum svo og öðrum tilfallandi verkefnum bæði innan deildarinnar og háskólans.
Gert er ráð fyrir að viðkomandi taki virkan þátt í uppbyggingu og utanumhaldi á samstarfi við atvinnulífið.

Menntunar- og hæfniskröfur

Doktorspróf í rekstarverkfræði, verkfræði eða skyldu sviði.
Haldbær reynsla af sjálfstæðum rannsóknum í hæsta gæðaflokki á málefnum er tengjast rekstarverkfræði.
Reynsla af kennslu, skipulagi og uppsetningu námskeiða er kostur.
Starfsreynsla tengd rekstarverkfræði er kostur.
Færni í mannlegum samskiptum og hæfni til að vinna með fjölbreyttum teymum á ólíkum sviðum er æskileg.
Þess er krafist að viðkomandi hafi fullt vald á ensku.
Við fögnum öllum góðum umsóknum, jafnvel þó hæfnivið séu ekki uppfyllt til hins ítrasta.

Umsóknarferlið

Sækja skal um starfið í gegnum starfavef HR og meðfylgjandi skal vera:
Kynningarbréf þar sem kemur fram hvort umsækjandi óski eftir lektors-, dósents- eða prófessorsstöðu.
Náms- og starfsferilskrá ásamt yfirliti yfir ritrýndar greinar.
Afrit af viðeigandi prófskírteinum.
Rannsóknaryfirlýsing.
Kennsluyfirlýsing.
Aðrar upplýsingar sem umsækjandi óskar eftir að láta fylgja með.
Nöfn, heimilisföng vinnustaða, netföng og símanúmer hjá þremur meðmælendum.

Nánari upplýsingar um starfið veita Dr. Ármann Gylfason, deildarforseti verkfræðideildar, (armann@ru.is) eða Jón Emil Sigurgeirsson, mannauðssérfræðingur (jones@ru.is). Farið verður með allar fyrirspurnir og umsóknir sem trúnaðarmál.

Staðan er laus þar til ráðið hefur verið í hana en byrjað að fara yfir umsóknir 1. ágúst 2024.

Rekstrarverkfræði

Innan rekstarverkfræði við Háskólann í Reykjavík er lögð áhersla á aðgerðagreiningu, hermun, verkefnastjórnun og stjórnun aðfangakeðja. Hópurinn er ábyrgur fyrir 13 námskeiðum þvert á grunn- og meistaranám sem tengjast þessum áherslusviðum.

Rekstrarverkfræði er staðsett innan verkfræðideildar Háskólans í Reykjavík þar sem í boði er líflegt og alþjóðlegt starfsumhverfi með góðri starfsaðstöðu.

Háskólinn í Reykjavík

Í Háskólanum í Reykjavík er lögð áhersla á að skapa alþjóðlegan vinnustað sem fagnar fjölbreytileika og einkennist af virðingu fyrir einstaklingum og störfum þeirra. Akademískar deildir HR eru sjö: iðn- og tæknifræðideild, lagadeild, viðskiptadeild, tölvunarfræðideild, verkfræðideild, sálfræðideild og íþróttafræðideild. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu. Nemendur Háskólans í Reykjavík eru um 3700 í sjö deildum og starfa um 250 fastir starfsmenn við háskólann auk fjölda stundakennara.

Háskólinn í Reykjavík varð fyrstur íslenskra háskóla til að komast á lista Times Higher Education og er nú þar í hópi 350 bestu háskóla heims á lista fyrir árið 2023. Þar að auki var skólinn í 12. sæti yfir bestu minni háskóla heims árið 2022, var í fyrsta sæti, ásamt átta öðrum háskólum, varðandi meðalfjölda tilvitnana í hverja deild, og 53. sæti yfir alla háskóla 50 ára eða yngri.

Auglýsing stofnuð25. júní 2024

UmsóknarfresturEnginn

Staðsetning

Menntavegur 1, 101 Reykjavík

Starfstegund

Starfsgreinar

Starfsmerkingar

Fleiri störf (2)

Tæknistjóri

Háskólinn í Reykjavík

Forstöðumaður grunnnáms í viðskipta- og hagfræðideild

Háskólinn í Reykjavík