Klappir grænar lausnir hf.

Klappir er hugbúnaðarfyrirtæki sem á rætur sínar að rekja til ársins 2013. Fyrirtækið þróar og selur hugbúnað sem styður vegferð samfélagsins í átt að sjálfbærni Klappir var í upphafi stofnað til þess að hanna stafrænar lausnir á sviði umhverfismála fyrir haftengdan iðnað. Sýn fyrirtækisins var að nýta umfangsmikil gögn, sem var verið að safna á pappírsformi og rafvæða lögbundna skráningarferla. Fljótlega byrjaði gagnasöfnunin að teygja sig víðar og nær nú utan um flest allt sem snertir umhverfismælingar í rekstri fyrirtækja og stofnana. Klappir hafa því markvisst unnið að því að byggja upp öfluga stafræna innviði til þess að mynda stafrænt sjálfbærni vistkerfi

Vinnustaðurinn

Sjálfbærnisérfræðingur

Hefur þú brennandi áhuga á sjálfbærni og tækni og langar að hafa áhrif með því að flytja sjálfbærni inn í stafræna framtíð? Við leitum að sjálfbærnisérfræðingum í þjónustuupplifunarteymi okkar á Íslandi og í Danmörku.

Helstu verkefni og ábyrgð

Innleiðing sjálfbærnihugbúnaðar hjá viðskiptavinum og sjálfbærniráðgjöfum og eftirfylgni með innleiðingu
Tæknilegur stuðningur við viðskiptavini og sjálfbærniráðgjafa sem nota sjálfbærni hugbúnað Klappa í sínum störfum
Ábyrgð og eftirfylgni með viðskiptasamböndum
Almenn tækni, gagna- og notendaaðstoð við viðskiptavini og aðra hagaðila
Þátttaka í hugbúnaðarþróun
Aðstoð við gerð markaðs- og fræðsluefnis
Þátttaka í umbótaverkefnum og uppsetningu verkferla

Menntunar- og hæfniskröfur

Háskólamenntun sem nýtist í starfi t.d á sviði tækni, sjálfbærni, viðskipta, félagsfræði, náttúrufræði eða verkfræði.
Sjálfstæð vinnubrögð, lausnamiðað hugarfar og hæfni til að starfa í umhverfi hraðra breytinga og nýsköpunar
Framúrskarandi samskiptahæfni
Góð tækniþekking og greiningarhæfni
Góð færni í ensku í ræðu og riti er skilyrði. Dönskukunnátta er einnig kostur.
Grunnþekking á mælikvörðum sjálfbærni
Grunnþekking á aðferðafræði GHG-protocol og SBTi er kostur
Grunnþekking á lagaumhverfi sjálfbærnimála og helstu stöðlum (m.a. ESRS) er kostur

Fríðindi í starfi

Við bjóðum upp á gott vinnuumhverfi, sveigjanlegan vinnutíma, samgöngustyrk, öflugt starfsmannafélag og tækifæri til starfsþróunar.

Umsóknarfrestur og frekari upplýsingar

Umsóknarfrestur er til 15. ágúst 2024. Umsóknir skal senda til Huldu Þórhallsdóttur, forstöðumanns þjónustuupplifunar, hulda (at) klappir.com, ásamt ferilskrá og kynningarbréfi.

Frekari upplýsingar um starfið og fyrirtækið veitir Hulda Þórhallsdóttir, hulda (at) klappir.com

Klappir eru hugbúnaðarfyrirtæki og þekkingarsamfélag sem sérhæfir sig í þróun, hönnun og dreifingu sjálfbærnihugbúnaðarlausna á alþjóðavísu. Fyrirtækið hefur vaxið hratt á síðustu þremur árum og er nú með rúmlega fjögur þúsund notendur í yfir 20 löndum

Auglýsing birt25. júní 2024

Umsóknarfrestur6. ágúst 2024

Tungumálahæfni