Umhverfis-og framkvæmdasvið

Múlaþing er nýtt sveitarfélag á Austurlandi með rúmlega 5000 íbúum. Undir Umhverfis-og framkvæmdasvið Múlaþings heyra hafnir, slökkvilið, umhverfis-og framkvæmdarmál.

Vinnustaðurinn

Skipulagsfulltrúi

Múlaþing auglýsir eftir skipulagsfulltrúa á umhverfis- og framkvæmdasvið.

Um er að ræða fjölbreytt og áhugavert 100% framtíðarstarf í lifandi umhverfi.

Múlaþing er að vinna við nýtt aðalskipulag sem er mjög áhugaverð og skapandi vinna. Á umhverfis- og framkvæmdasviði Múlaþings starfar öflugur hópur sem samanstendur af vel menntuðum og kraftmiklum einstaklingum.

Næsti yfirmaður er framkvæmda- og umhverfismálastjóri.

Starfskraftur er með fasta starfsstöð á einni af fjórum skrifstofum Múlaþings; Egilsstöðum, Borgarfirði eystri, Djúpavogi eða Seyðisfirði.

Helstu verkefni og ábyrgð

Umsjón skipulagsmála í sveitarfélaginu
Útgáfa framkvæmdarleyfa og gerð umsagna um skipulags- og byggingaerindi
Umsjón með vinnu við gerð aðalskipulags Múlaþings
Umsjón með grenndarkynningu deiliskipulagsbreytinga og byggingaleyfa
Umsjón með lóðamálum og gerð lóðaleigusamninga
Auglýsir skipulagsáætlanir lögum samkvæmt
Lögformleg afgreiðsla erinda og eftirfylgni mála
Upplýsingagjöf og samskipti við íbúa, kjörna fulltrúa og aðra hagsmunaaðila
Önnur verkefni sem viðkomanda er falið af framkvæmda- og umhverfismálastjóra

Menntunar- og hæfniskröfur

Umsækjandi skal uppfylla menntunar- og hæfniskröfur samkvæmt 7. grein skipulagslaga nr. 123/2010 s.s. skipulagsfræðingur, arkitekt, byggingarfræðingur, landslagsarkitekt, tæknifræðingur eða verkfræðingur
Amk. 2. ára starfsreynsla eða sérhæft nám í skipulagsmálum er skilyrði
Þekking af opinberri stjórnsýslu æskileg
Mikil samskipta- og samstarfshæfni
Nákvæmni og hæfni í framsetningu efnis
Góð almenn tölvukunnátta
Frumkvæði og öguð vinnubrögð
Góð íslenskukunnátta í máli og ritun

Fríðindi í starfi

Heilsueflingarstyrkur

Launakjör eru samkvæmt kjarasamningum sveitarfélagsins við viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og rökstuðningur fyrir hæfni viðkomandi í starfið. Aðeins er tekið við umsóknum í gegnum ráðningavef sveitarfélagsins hjá Alfreð.

Tekið er mið af jafnréttisáætlun Múlaþings við ráðningar hjá sveitafélaginu.

Nánari upplýsingar um starfið veitir Hugrún Hjálmarsdóttir, framkvæmda- og umhverfismálastjóri hugrun.hjalmarsdottir@mulathing.is

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing stofnuð27. júní 2024

Umsóknarfrestur14. júlí 2024

Tungumálahæfni