Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri hjúkrunar á taugalækningadeild

Laust er til umsóknar starf aðstoðardeildarstjóra hjúkrunar á taugalækningadeild B2 í Fossvogi. Starfið er laust frá og með 1. desember 2025 eða eftir samkomulagi.

Við leitum eftir metnaðarfullum hjúkrunarfræðingi með afburða samskiptahæfni sem hefur brennandi áhuga á hjúkrun og stjórnunarstörfum ásamt þátttöku í gæða- og umbótastarfi.

Taugalækningadeild þjónar sjúklingum með taugasjúkdóma og starfa þar um 60 einstaklingar í þverfaglegu teymi. Í boði er einstakt tækifæri til að sérhæfa sig í hjúkrun sjúklinga með taugasjúkdóma auk þess að vera hluti af stjórnendateymi deildarinnar og taka þátt í mikilvægri uppbyggingu slagþjónustu á Íslandi.

Aðstoðardeildarstjóri er virkur þátttakandi í stjórnendateymi deildarinnar ásamt deildarstjóra og er starfið því frábært tækifæri fyrir þá sem eru að taka sín fyrstu skref í stjórnunarstörfum. Aðstoðardeildarstjóri fylgir eftir ákvörðunum um skipulag hjúkrunar og verklag á deild sem og innleiðingu nýjunga í hjúkrun er stuðla að auknum gæðum hjúkrunar, gagnreyndum starfsháttum og öryggi sjúklinga. Á deildinni er mikið er lagt upp úr þverfaglegri teymisvinnu allra viðkomandi starfstétta.

Helstu verkefni og ábyrgð

Vinnur náið með hjúkrunardeildarstjóra að skipulagningu á starfsemi deildarinnar og mótun liðsheildar
Ber ábyrgð á þeim verkefnum sem hjúkrunardeildarstjóri felur honum í samræmi við starfslýsingu
Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun.
Hefur umsjón með móttöku og aðlögun nýrra starfsmanna og nemenda á deildinni
Er leiðandi í teymisvinnu innan deildar og stuðlar að árangursríku samstarfi innan og utan deildar
Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra
Er ábyrgur fyrir skipulagningu og framkvæmd hjúkrunar í fjarveru hjúkrunardeildarstjóra

Menntunar- og hæfniskröfur

Íslenskt hjúkrunarleyfi
Starfsreynsla sem hjúkrunarfræðingur
Stjórnunarþekking og leiðtogahæfni
Jákvætt viðmót og framúrskarandi samskiptahæfni
Skipulögð, vönduð og öguð vinnubrögð
Þekking á þjónustuþáttum Landspítala
Þekking á verkefnastjórnun og umbótastarfi er æskileg
Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfshlutfall er 100%

Umsóknarfrestur er til og með 07.11.2025

Nánari upplýsingar veitir Sigríður Árna Gísladóttir - [email protected] - 897-0788

Auglýsing birt23. október 2025

Umsóknarfrestur7. nóvember 2025

Tungumálahæfni

Íslenska

Nauðsyn

Mjög góð

Staðsetning

Fossvogur, 108 Reykjavík

Starfstegund

Vinnuumhverfi

Starfsgreinar

Starfsmerkingar

Fleiri störf (50)

Hjúkrunarfræðingur á heila-, tauga- og öldrunarbæklunarskurðdeild