A4 - Vöruhúsastjóri

Við leitum eftir jákvæðum, skipulögðum og lausnamiðuðum vöruhúsastjóra í vöruhúsið okkar að Köllunarklettsvegi 10. Starfið er fjölbreytt, krefjandi og skemmtilegt og felur m.a. í sér að halda utan um daglegan rekstur og mönnun vöruhúss, móttaka og afgreiðsla á vörum sem og samskipti við innri og ytri birgja.

Um er að ræða fullt starf og er vinnutíminn alla virka daga frá kl. 08:00 til 17:00.
Æskilegt er að viðkomandi geti hafið störf sem fyrst eða samkvæmt samkomulagi.

Verkefni og ábyrgð

• Ábyrgur fyrir fjárhagslegum rekstri vöruhúss
• Ábyrgur fyrir starfsmannamálum og mönnun
• Ábyrgur fyrir afgreiðslu pantana, dreifingu og móttöku vara
• Ábyrgur fyrir birgðahaldi og gæðamálum
• Ábyrgur fyrir samskiptum við innri og ytri viðskiptavini
• Eftirlit með tækjum og bifreiðum
• Umsjón með öryggismál í höfuðstöðvum
• Önnur verkefni sem yfirmaður felur starfsmanni

Menntunar og hæfniskröfur

• Menntun sem nýtist í starfi
• Reynsla af stýringu vöruhúsa eða lagera
• Reynsla af stjórnun og að byggja upp öfluga liðsheild
• Leiðtogahæfileikar og framúrskarandi hæfni í mannlegum samskiptum
• Umbótasinnaður og reynsla af LEAN
• Jákvætt og lausnamiðað viðhorf
• Skipulögð vinnubrögð og frumkvæði í starfi
• Þekking á vöruhúsakerfum og handskönnum
• Góð almenn tölvukunnátta
• Lyftararéttindi og meirapróf kostur
• Góð íslensku og ensku kunnátta

Nánari upplýsingar um starfið veitir framkvæmdastjóri vörusviðs, Lárus, í gegnum netfangið larus@a4.is.

Umsóknarfrestur er til og með 28 nóvember 2024

A4 er framsækið fyrirtæki og leggur metnað sinn í að vera í fararbroddi á sviði húsgagna, skrifstofu-, skóla-, föndur- og hannyrðavara og leggur áherslu á góða og trausta þjónustu við viðskiptavini. Við erum stolt af því að geta boðið upp á heimsþekkt vörumerki sem eiga það öll sameiginlegt að vera í háum gæðaflokki. Hjá fyrirtækinu starfa um 140 manns.