Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

About

Skemmtilegt starf á Íbúðakjarna í Breiðholti

Óskað er eftir öflugum stuðningsfulltrúa í u.þ.b 80% stöðu. Unnið er á öllum tegundum af vöktum, morgun, kvöld, helgar og næturvöktum. Um er að ræða tímabundna ráðningu til eins árs með möguleika á framhaldi.

Í Tindaseli er lögð áhersla á jákvæð og uppbyggileg samskipti. Þjónustan miðar að því að efla færni og lífsgæði íbúa sem gerir þeim kleift að lifa sjálfstæðu lífi. Áhersla er á að veita ávallt framúrskarandi þjónustu.

Í boði er spennandi starf þar sem veitt er einstaklingsbundin þjónusta í samræmi við hugmyndafræðina um þjónandi leiðsögn og sjálfstætt líf. Unnið er eftir stefnu Reykjavíkurborgar í málefnum fatlaðs fólks til að efla færni, auka sjálfstæði, stuðla að jákvæðri sjálfsmynd og auka lífsgæði þeirra.

Helstu verkefni og ábyrgð

Að hvetja og styðja einstaklinga til sjálfstæðs lífs með valdeflandi stuðningi og aðstoð.
Að styðja einstaklinga við athafnir daglegs lífs s.s. við heimilishald og samfélagsþátttöku.
Að sinna umönnun og vera vakandi yfir andlegri og líkamlegri líðan íbúa og aðstoða þá varðandi heilsufarslega þætti eftir þörfum hverju sinni.
Að styðja einstaklinga til félagslegrar þátttöku s.s. að rækta félagstengsl, stunda afþreyingu og að sækja menningarviðburði.
Önnur þau störf sem starfsmanni kunna að vera falin af yfirmanni.

Hæfniskröfur

Góð almenn menntun.
Reynsla af starfi með fötluðum æskileg.
Góð hæfni í mannlegum samskiptum,frumkvæði, skipulagshæfni, stundvísi og sjálfstæði í vinnubrögðum.
Umhyggja og þolinmæði.
Góð íslenskukunnátta B1 samkvæmt evrópska tungumálarammanum.
Æskilegt er að umsækjandi hafi náð 20 ára aldri.
Hreint sakavottorð í samræmi við lög sem og reglur Reykjavíkurborgar.

Fríðindi í starfi