Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

About

Félagsráðgjafi í deild virkni og ráðgjafar á Norðurmiðstöð

Norðurmiðstöð leitar að öflugum félagsráðgjafa til starfa í deild virkni og ráðgjafar á Norðurmiðstöð.

Deild virkni og ráðgjafar á Norðurmiðstöð leitar að öflugum félagsráðgjafa til starfa í málaflokki heimilislausra með miklar og flóknar þjónustuþarfir. Leiðarljós velferðarsviðs er að veita einstaklingum viðeigandi þjónustu undir formerkjum hugmyndafræðinnar Húsnæði fyrst. Þjónustan er einstaklingsmiðuð, batamiðuð og tekur mið af hugmyndafræði um sjálfstætt líf.

Starfið krefst þekkingar á almennri félags- og velferðarþjónustu og hæfni í mannlegum samskiptum. Starfið er fjölbreytt og snýr að þjónustu við borgarbúa sem unnin er samkvæmt lögum um félagsþjónustu sveitarfélaga. Lögð er áhersla á þverfaglega samvinnu með metnaðarfullu starfsfólki.

Um er að ræða fastráðningu og er kostur ef viðkomandi geti hafið störf sem fyrst eða eftir samkomulagi.

Helstu verkefni og ábyrgð

Veita félagslega ráðgjöf til einstaklinga m.a. vegna félagslegra aðstæðna, húsnæðismála, óvinnufærni, atvinnuleysis, virkni og vímuefnamála.
Greining á þjónustuþörf og ráðgjöf m.a. varðandi fjárhagsaðstoð, húsnæðismál og þeirrar þjónustu og stuðningsúrræða sem eru í boði bæði hjá Reykjavíkurborg og hjá öðrum.
Sinna verkefnum sem taka til almennrar félags- og velferðarþjónustu auk þróunar á þjónustu.
Þátttaka í þverfaglegu samstarfi innan og utan velferðarsviðs.
Starfa í samræmi við lög, reglur og stefnu Reykjavíkurborgar í málefnum heimilislausra með miklar og flóknar þjónustuþarfir.
Önnur tilfallandi verkefni.

Menntunar- og hæfniskröfur