Sjúkraliði Endurhæfingarteymi
Endurhæfingarteymi í Austurmiðstöð leitar af öflugum sjúkraliðum til starfa.
Heimaþjónusta Reykjavíkur auglýsir eftir sjúkraliða í þverfaglegt teymi sem veitir endurhæfingu í heimahúsi. Vinnutíminn er á dagvinnutíma alla virka daga, teymið er staðsett í Austurmiðstöð, Hraunbæ 119.
Reykjavíkurborg veitir samþætta heimaþjónustu sem samanstendur af félagslegum heimastuðning og heimahjúkrun og nú einnig endurhæfingu í heimahúsi. Hugmyndafræði endurhæfingar í heimahúsi byggist á þverfaglegri endurhæfingu inn á heimili íbúans þar sem áhersla er lögð á hjálp til sjálfshjálpar. Þjónustan er tímabundin og ætluð þeim sem eru að kljást við færniskerðingu og þurfa heimaþjónustu.
Endurhæfingarteymið samanstendur af iðjuþjálfa, hjúkrunarfræðingi, sjúkraþjálfara/íþróttafræðingi, sjúkraliðum og félagsliðum. Teymið veitir persónumiðaða þjónustu þar sem endurhæfingaráætlun byggist á þörfum íbúans og hefur það markmið að styðja og styrkja færni, auka bjargráð og efla félagslega þátttöku í samfélaginu.
Sjúkraliði ber ábyrgð á því að veita persónumiðaða aðstoð við athafnir daglegs lífs á heimili notandans, ráðgjöf, stuðning og framfylgir meðferðáætlun í samvinnu við aðrar fagstéttir teymisins.
Þróun og þátttaka í þverfaglegu starfi og faglegri uppbyggingu.
- Sjúkraliðamenntun, íslenskt starfsleyfi.
- Sérmenntun kostur
- Skipulagshæfni og faglegur metnaður.
- Góð tölvufærni og heiðarleiki í mannlegum samskiptum.
- Áhugi á þróun og uppbyggingu faglegs starfs og teymisvinnu.
- Sjálfstæð vinnubrögð og frumkvæði í starfi.
- Íslenskukunnátta á bilinu B1-B2 (í samræmi við samevrópskan tungumálaramma)
- Hreint sakavottorð í samræmi við lög sem og reglur Reykjavíkurborgar.
