Mannauðsstjórnun og breytingar

Mikið hefur verið rætt og ritað um framtíð vinnu, vinnustaða, vinnuafls og vinnumarkaðar.

Hvernig verður eiginlega þessi framtíð vinnu og hvernig þurfa dagleg störf stjórnenda að breytast til að styðja sem best við rekstur fyrirtækja á vinnumarkaði framtíðarinnar?

Um hvað er námskeiðið?
Námskeiðið snýst um að upplýsa um helstu áhrifaþætti á bak við breytingar sem eru að verða í vinnuumhverfinu og hvernig fyrirtæki og stjórnendur þurfa að breyta ýmsu í sinni nálgun til að styðja við samkeppnishæfni sinna vinnustaða, bæði sem fyrirtækja og vinnustaða.
Í námskeiðinu eru tekin fyrir fjölmörg atriði í þessu sambandi, svo sem:
Helstu stefnur og áhrifaþættir breytinga í vinnuumhverfi og á vinnumarkaði.
Aukin völd vinnuaflsins í vinnusambandinu.
Breytingar sem þurfa að verða á öflun umsækjenda og ráðningum.
Færni til framtíðar og breytingar á starfsþróun og þekkingarstjórnun.
Breytingar á frammistöðustjórnun, í samhengi við breyttan vinnutíma og aukna fjarvinnu.
Mikilvægi góðrar upplifunar í vinnuumhverfinu almennt og stafrænnar upplifunar í vinnuumhverfinu.
Atvinnuhæfni, fagleg hæfni og persónuleg færni.
Velsæld, fjölbreytileiki, vinnustaðamenning, traust og margt fleira.

Fyrir hverja?
Námskeiðið er fyrir alla stjórnendur og allt mannauðsfólk.