Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Viltu virkja þína starfsorku á vélaverkstæði ON?

Við leitum að liðsauka í teymið okkar á vélaverkstæði ON sem sinnir rekstri, eftirliti og viðhaldi á gufuborholum, niðurrennslisholum og gufuveitum á virkjanasvæðum okkar á Hellisheiði og Nesjavöllum.

Orka náttúrunnar er leiðandi afl í nýsköpun og þróun endurnýjanlegrar orku.

Í virkjunum okkar framleiðum við rafmagn til allra landsmanna og heitt vatn fyrir íbúa höfuðborgarsvæðið.

Á vélaverkstæðinu starfa framúrskarandi fagaðilar ásamt iðnnemum og verktökum að fjölbreyttum viðhaldsverkefnum fyrir Hellisheiðarvirkjun, Nesjavallavirkjun og Andakílsárvirkjun.

Ef þú ert með ríka öryggisvitund og býrð yfir umbótahugsun, frumkvæði og útsjónarsemi þá viljum við heyra frá þér.

Helstu verkefni og ábyrgð

Í starfinu, sem er kjörið fyrir einstaklinga með reynslu og/eða menntun á sviði vélvirkjunar eða sambærilegum iðngreinum, felast fjölbreyttar áskoranir á borð við umsjón með reglulegum mælingum á borholum, viðhald á vélbúnaði og gufuveitu, upptektir á vélasamstæðum, skráning í viðhaldskerfi og gerð verkskýrslna.

Menntunar- og hæfniskröfur

Rík öryggisvitund er skilyrði
Reynsla af verklegri vinnu
Frumkvæði, lausnarmiðuð hugsun og jákvæðni
Góð samskiptafærni og nákvæmni í vinnubrögðum
Reynsla af iðnaðarrekstri, s.s. úr stóriðju, virkjunum eða sambærilegu er kostur
Þekking á DMM viðhaldsstjórnunarkerfinu er kostur
Iðnmenntun, t.d. á sviði málmiðna eða pípulagna er ótvíræður kostur

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 6. ágúst 2024.

Eingöngu er tekið á móti umsóknum á ráðningarvef ON, starf.on.is.

Nánari upplýsingar veitir Þór Þórsson, verkstjóri vélaverkstæðis virkjana ON, thor.thorsson@on.is

Af hverju Orka náttúrunnar?

https://www.on.is/af-hverju-on/

Orka náttúrunnar framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið. Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt9. júlí 2024

Umsóknarfrestur6. ágúst 2024

Tungumálahæfni