Laus störf Hæfnileit Vinnustaðir Námskeið

Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Símans eru skapandi, fagleg og árangursdrifin.

Vinnustaðurinn

Viðskiptastjóri lykilviðskiptavina á fyrirtækjasviði

Síminn leitar að metnaðarfullum og öflugum viðskiptastjóra lykilviðskiptavina fyrirtækjasviðs með brennandi áhuga sölu og þjónustu. Starfið felur í sér að efla núverandi viðskiptasambönd og koma auga á ný viðskiptatækifæri. Viðkomandi þarf að taka ábyrgð á eigin verkefnum, vera í góðum samskiptum við viðskiptavini Símans og tryggja framúrskarandi upplifun þeirra.
Um er að ræða spennandi starf í teymi Sölu og Viðskiptastýringar á fyrirtækjasviði Símans.

Helstu verkefni og ábyrgð

Að stýra og efla núverandi viðskiptasambönd
Greining þarfa viðskiptavina og ráðgjöf um lausnir
Heimsóknir og stöðufundir með viðskiptavinum
Samninga- og tilboðsgerð
Greiningar á viðskiptavinahópi
Ábyrgð á upplifun lykilviðskiptavina og eftirfylgni mála
Samvinna við starfsfólk og teymi innanhúss til að tryggja þjónustugæði
Skráning og utanumhald mála í CRM kerfi
Önnur tilfallandi verkefni og breytingar tengt umbótum, þróun starfs og starfsumhverfis

Menntunar- og hæfniskröfur

Háskólamenntun sem nýtist í starfi er kostur
Reynsla af viðskiptastýringu á fyrirtækjamarkaði
Áhugi og þekking á íslensku atvinnulífi
Þjónustulund, lausnamiðuð hugsun og framúrskarandi samskiptahæfni
Drifkraftur, fagleg vinnubrögð og jákvætt viðmót
Hæfni til að takast á við breytingar og tileinka sér nýja færni
Þekking á fjarskipta- eða tæknilausnum er kostur

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 15. febrúar 2026.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt3. febrúar 2026

Umsóknarfrestur15. febrúar 2026

Tungumálahæfni