Sölufulltrúi

GreenFish er nýsköpunarfyrirtæki sem útbýr gervigreindarlausnir fyrir fyrirtæki í sjávarútvegi. Félagið er leiðandi á sviði spálíkana í sjávarútvegi og framleiðir sérsniðin gervigreindarlíkön sem spá fyrir um staðsetningu afla, magn, gæði og aflasamsetningu á hafkorti.

Markmið okkar er að aðstoða útgerðir við að auka skilvirkni, draga úr eldsneytisnotkun og hámarka verðmæti aflans. Við vinnum með framsæknum útgerðum á heimsvísu og erum í örum vexti.

Vegna þessa erum við á höttunum eftir öflugum sölufulltrúa sem mun starfa náið með sölustjóra og gegna lykilhlutverki í framkvæmd og þróun sölustefnu fyrirtækisins.