Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Sérfræðingur í opinberum innkaupum og samningsstjórnun

Skrifstofa fjármála á umhverfis- og skipulagssviði óskar eftir að ráða öflugan einstakling í starf sérfræðings í opinberum innkaupum og samningsstjórnun. Skrifstofan fer með leiðandi hlutverk í gerð og innleiðingu verkferla er varða fjármál og eftirfylgni þeirra. Styður við fjármál, innkaup og áhættustýring sviðsins svo unnt sé að skapa öruggt og traust fjárhagslegt starfsumhverfi. Veitir stjórnendum og starfsfólki upplýsingar, ráðgjöf og aðstoð varðandi fjármál og innkaup svo sem áætlanagerð, fjárhagsbókhald, verkbókhald, innheimtu, uppgjör, innkaup, samningsstjórnun, áhættustýringu og sinna innra eftirliti. Um nýtt starf er að ræða, næsti yfirmaður er deildarstjóri innkaupa og samningsstjórnunar.

Helstu verkefni og ábyrgð

Þróa verklag er snýr að innkaupum, þ.m.t samningsgerð og samningsstjórnun.
Halda utan um útboðsáætlun sviðsins. Rýna samninga og tryggja að farið sé eftir samningum við framkvæmd innkaupa.
Taka þátt í þróun og uppfærslu staðlaðra samningsskilmála.
Halda utan um skráningu samninga sviðsins og styðja við eftirlit.
Aðstoðar starfsfólk og stjórnendur við samningsstjórnun á sviði opinberra innkaupa.
Vera ráðgefandi varðandi val á innkaupaleið og leiðbeina stjórnendum og starfsfólki þar um.Önnur verkefni tengd fjármálum og daglegum rekstri skrifstofunnar.

Menntunar- og hæfniskröfur

Háskólapróf sem nýtist í starfi, s.s. lögfræði, viðskiptafræði, verkfræði.
Framhaldsmenntun æskileg.
Þekking og reynsla af samningsstjórnun á sviði verkframkvæmda, þjónustu- og vörukaupa.
Þekking og reynsla af greiningarvinnu í fjölbreyttum rekstri.
Þekking á opinberum innkaupum kostur.
Framúrskarandi samskipta og samstarfshæfni, drifkraftur, frumkvæði og metnaður.
Sjálfstæð og öguð vinnubrögð, framsýni og lausnarmiðuð hugsun.
Góð færni í greiningu og framsetningu flókinna gagna.
Góð almenn tölvuþekking og kunnátta til að nýta upplýsingakerfi sem stjórntæki.
Gott vald á íslensku og ensku bæði í ræðu og riti og geta til að miðla upplýsingum á skýran og greinargóðan hátt.
Tungumálaviðmið: C1 í íslensku og B2 í ensku skv. evrópska tungumálarammanum

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir. Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum og leggur áherslu á gagnkvæman sveigjanleika og að stuðla að jafnvægi milli vinnu og einkalífs.

Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Umsóknarfrestur er til og með 12. febrúar 2026.
Nánari upplýsingar um starfið veitir Margrét Lilja Gunnarsdóttir deildarstjóri [email protected]
Umsókn þarf að fylgja starfsferilskrá ásamt kynningarbréfi.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt3. febrúar 2026

Umsóknarfrestur12. febrúar 2026

Tungumálahæfni