Við leitum að öflugum liðsmanni í raflínuteymið okkar!

Við leitum að fjölhæfum og lausnamiðuðum einstaklingi til að styrkja raflínuteymið okkar. Starfið er fjölbreytt og gegnir lykilhlutverki í að tryggja örugga afhendingu rafmagns um land allt. Helstu verkefni fela í sér eftirlit, viðhald og viðgerðir á háspennulínum og strengjum sem krefst mikillar útiveru í fjölbreyttum aðstæðum. Aðalstarfsstöðin er í Reykjavík, en vinnusvæðið nær yfir allt Ísland.

Hjá Landsneti starfar öflugt og samhent starfsfólk sem leggur sitt af mörkum til að halda ljósunum logandi, tækjunum gangandi og raforkunni streymandi. Hvort sem er beint eða óbeint, styðjum við öll við uppbyggingu, þróun og rekstur raforkukerfisins.