Laus störf Hæfnileit Vinnustaðir Námskeið

Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Verkfræðingur á sviði brúarhönnunar

Laust er til umsóknar starf verkfræðings á sviði brúarhönnunar á hönnunardeild Vegagerðarinnar. Hönnunardeild tilheyrir Mannvirkjasviði og getur starfsstöð verið í Garðabæ eða á Akureyri. Vegagerðin gegnir lykilhlutverki í þróun, skipulagi, hönnun, framkvæmd og rekstri samgöngumannvirkja um land allt.

Á þjóðvegakerfinu eru tæplega 1200 brýr og framundan eru fjölbreytt og spennandi verkefni við nýbyggingu, breikkun og viðhald brúa víðs vegar um landið. Leitað er að lausnamiðuðum einstaklingi með menntun eða reynslu og brennandi áhuga á sviði burðarþolshönnunar.

Helstu verkefni og ábyrgð

Hönnun nýrra brúarmannvirkja
Hönnun viðhaldsaðgerða núverandi brúa
Burðargetumat brúa
Gerð verklýsinga
Þróun verklags til aukinnar skilvirkni í hönnun brúa
Mat á kolefnisspori
Gerð leiðbeininga um hönnun brúa
Rýni hönnunar og verklýsinga
Þátttaka í rannsóknarverkefnum

Menntunar- og hæfniskröfur

Verkfræðingur, með menntun á sviði burðarþols
Reynsla af hönnun brúa æskileg
Reynsla af notkun hönnunarforrita á sviði burðarþols
Góð hæfni í mannlegum samskiptum
Hæfni til að vinna sjálfstætt sem og í teymisvinnu
Hæfni til að fylgja málum eftir og til að finna bestu lausnir hverju sinni
Skipulagshæfni, frumkvæði og faglegur metnaður
Góð íslensku- og enskukunnátta í rituðu og töluðu máli, kunnátta í norðurlandamáli kostur

Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið

Starfshlutfall er 100%

Umsóknarfrestur er til og með 23.03.2026

Nánari upplýsingar veitir Margrét Silja Þorkelsdóttir, forstöðumaður hönnunardeildar - [email protected] - 869 8252

Auglýsing birt5. mars 2026

Umsóknarfrestur23. mars 2026

Tungumálahæfni