Laus störf Hæfnileit Vinnustaðir Námskeið

COWI

COWI er alþjóðlegt ráðgjafarfyrirtæki með höfuðstöðvar í Danmörku og yfir 7.500 starfsmenn sem vinna að um 10.000 verkefnum að staðaldri víða um heim. Í samvinnu við viðskiptavini vinnum við að því að móta þjónustu og lausnir á sviði sjálfbærni sem bæta lífsgæði fólks og komandi kynslóða. Þjónustusviðið okkar nær yfir verkfræði, arkitektúr, orku og umhverfismál. Við trúum því að velsæld stuðli að betri frammistöðu og að betri frammistaða ýti undir vellíðan. Ef þú hefur áhuga á að ganga til liðs við okkur munt þú starfa með fólki sem er ávallt reiðubúið að rétta fram hjálparhönd. Okkar helsta hvatning er að skapa vinnustað framtíðarinnar; umhverfi þar sem fólk fær að vaxa og dafna. Og þótt að verkefnin okkar séu stór og jafnvel alvarleg þá tökum við okkur sjálf mátulega hátíðlega. Ef þú gengur til liðs við okkur verður þú hluti af alþjóðlegu samfélagi sérfræðinga þar sem gagnkvæm miðlun á þekkingu fer fram. Þú færð einnig tækifæri til þess að vinna þvert á landamæri og breyta áskorunum í sjálfbærar lausnir. Auk þess er starfsþróun mikilvægur þáttur sem við sinnum vel fyrir hvern og einn starfsmann. Allt þetta stuðlar að því að þú fáir að þróast og þroska nýja hæfni og við fáum verðmætan starfskraft með haldbæra þekkingu. Þannig erum við öll í fararbroddi grænna umskipta.

Vinnustaðurinn

Samgönguverkfræðingur í hönnunarstjórn Borgarlínu

Vilt þú verða hluti af alþjóðlegu fyrirtæki og takast á við áhugaverð verkefni? Hefur þú brennandi áhuga á samgöngum sem stuðla að auknum afköstum, vistvænna umhverfi og bættri lýðheilsu? Viltu fá tækifæri til að þróast í starfi innan fjölbreytts hóps sérfræðinga hérlendis og erlendis?

Helstu verkefni og ábyrgð

Við hjá COWI á Íslandi leitum að reyndum samgönguverkfræðingi til að bætast í hóp samgangna hjá COWI á Íslandi og vinna í hönnunarstjórn Borgarlínu sem er hluti af verkefnastjórnunarteyminu sem staðsett er á Verkefnastofu Borgarlínu í Hafnarstræti. Verkefnastjórnunarteymi Borgarlínu leiðir hönnunarteymin sem vinna að frumdrögum, forhönnun og verkhönnun Borgarlínu. Unnið er að öllum lotum Borgarlínu. Hlutverk hönnunarstjórnar er að tryggja að hönnunin uppfylli kröfur um gæði, tíma og kostnað. Einnig að tryggja samræmi hönnunar á milli hönnunarteyma, á milli lota, við aðlæg verkefni, við hönnunarleiðbeiningar og við upplýsingar og kröfur frá hagaðilum.

Helstu verkefni sem þú munt fást við

Samskipti við hönnunarteymi Borgarlínu og hagaðila.
Yfirfara hönnunargögn frá hönnunarteymum Borgarlínu.
Vinna að uppfærslum hönnunarleiðbeininga Borgarlínu.

Menntunar- og hæfniskröfur

Samgönguverkfræðingur M.Sc.
A.m.k. 8 ára reynsla af for- og verkhönnun gatna og stíga.
A.m.k. 2 ára reynsla af hönnunarstýringu gatna- og stígaverkefna.
Reynsla af hönnun og/eða hönnunarstýringu veituverkefna kostur.
Góð enskufærni er skilyrði og íslenskukunnátta er mikill kostur.
Jákvætt viðhorf og frumkvæði í starfi.
Góðir samskiptahæfileikar.
Nákvæm og sjálfstæð vinnubrögð.

Fríðindi í starfi

Við bjóðum líka uppá

Sveigjanlegan vinnutíma og fjarvinnumöguleika samhliða vinnu á starfsstöð.
Samgöngu- og líkamsræktarstyrki.
Starfsmannafélag með fjölbreyttum viðburðum yfir árið.
Viðbótargreiðslur í fæðingarorlofi.
Starfsþróunarmöguleika innan COWI, starfsþróunaráætlanir og rafræna þjálfun hjá COWI Academy.
Árlegt heilsufarsmat.

Umsóknarfresturinn er til og með 24. mars. Nánari upplýsingar veita Ólöf Kristjánsdóttir ([email protected]) og Breki Bjarnason ([email protected]).

Auglýsing birt4. mars 2026

Umsóknarfrestur24. mars 2026

Tungumálahæfni