Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Verkefnastjóri miðlunar og samskipta

Háskólinn í Reykjavík leitar að öflugum og reynslumiklum einstaklingi í starf verkefnastjóra miðlunar og samskipta. Viðkomandi mun heyra undir samskiptasvið og háskólaskrifstofu HR en starfa fyrst og fremst fyrir rektor HR í verkefnum sem snúa að innri og ytri miðlun, efnissköpun, samskiptum og kynningarmálum, ásamt því að sinna almannatengslum og samskiptum við fjölmiðla.

Helstu verkefni:

Fjölbreytt efnissköpun fyrir miðla Háskólans í Reykjavík um verkefni sem tengjast og/eða tilheyra rektor HR og frumkvæði að slíkri sköpun
Aðstoð við innri miðlun rektors HR
Greining og ráðgjöf í samskipta- og kynningarmálum
Þátttaka í að þróa og framkvæma kynningar-, markaðs- og samskiptastarf HR
Virk þátttaka í vísindamiðlun HR
Samskipti við fjölmiðla
Umsjón með ársskýrslu
Önnur tilfallandi verkefni

Menntunar- og hæfniskröfur:

Háskólapróf sem nýtist í starfi
Reynsla af upplýsingamiðlun , t.d. í störfum fyrir fjölmiðla
Frumleiki og hæfni í efnissköpun
Góð stafræn hæfni og reynsla af miðlun á samfélagsmiðlum
Áhugi og hæfni til að fylgjast með og greina umræðu í samfélaginu
Góð samskipta- og skipulagshæfni, sjálfstæði og frumkvæði í starfi
Mjög gott vald á íslensku og ensku og færni til að tjá sig í ræðu og riti
Geta til að vinna undir álagi
Jákvæðni í starfi og geta til að vinna vel í liðsheild

Umsóknir berist rafrænt í gegnum umsóknarvef Háskólans í Reykjavík.

Umsóknarfrestur er til og með 25. maí 2025.

Allar nánari upplýsingar veitir mannauðsdeild Háskólans í Reykjavík, [email protected], Ásthildur Gunnarsdóttir, forstöðukona samskiptasviðs, [email protected] og Ólöf Vigdís Ragnarsdóttir, skrifstofustjóri háskólaskrifstofu.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Auglýsing birt12. maí 2025

Umsóknarfrestur25. maí 2025

Tungumálahæfni