Verkefnastjóri kennslukerfa og gervigreindar

Kennsluþróun HR leitar að framsýnum og lausnamiðuðum samstarfsfélaga til að gegna fjölbreyttu og krefjandi hlutverki við stuðning, þróun og þjálfun í notkun á stafrænum kennsluverkfærum með áherslu á kennslukerfið Canvas. Starfið felur einnig í sér að leiða þjálfun og ráðgjöf í ábyrgri og árangursríkri notkun gervigreindar í námi og kennslu.

Helstu verkefni:

• Almenn umsjón með kennslukerfinu Canvas, ásamt stuðningi við kennara háskólans
• Skipulagning og framkvæmd þjálfunar fyrir kennara í notkun Canvas og tengdra stafrænna kennsluverkfæra
• Innleiðing og stuðningur við stefnu háskólans um notkun gervigreindar í námi og kennslu
• Ráðgjöf og leiðbeiningar fyrir kennara um notkun gervigreindar í kennslu og námsmati
• Umsjón með skipulagi og framkvæmd vinnustofa og fræðsluviðburða um gervigreind í námi og kennslu
• Þátttaka í umbótaverkefnum Kennsluþróunar

Menntunar- og hæfniskröfur

• Háskólapróf sem nýtist í starfi
• Þekking og reynsla á sviði kennslufræða er nauðsynleg
• Þekking og reynsla af notkun gervigreindar í námi og kennslu er nauðsynleg
• Hæfni til að miðla þekkingu og veita þjálfun á skýran og hvetjandi hátt
• Teymishugsun, lipurð og hæfni í mannlegum samskiptum
• Frumkvæði í starfi ásamt skipulagshæfni og faglegum vinnubrögðum
• Gott vald á íslensku og ensku, bæði í töluðu og rituðu máli
• Kunnátta í forritun er mikill kostur
• Reynsla af Canvas eða öðrum kennslukerfum er kostur
• Þekking og reynsla af háskólastarfi er kostur

Umsóknum um starfið þarf að fylgja ítarleg ferilskrá og kynningabréf. Æskilegt er að viðkomandi geti hafið störf í ágúst. Nánari upplýsingar um starfið veitir Hrefna Pálsdóttir, forstöðukona Kennsluþróunar, [email protected] og Mannauðsdeild HR, [email protected]. Umsóknarfrestur til og með 18.05.2025. Umsóknum skal skilað á vef Háskólans í Reykjavík. Farið er með allar fyrirspurnir og umsóknir sem trúnað.