Verkefnisstjóri vef- og markaðsmála á Heilbrigðisvísindasvið
Laust er til umsóknar fullt starf verkefnisstjóra í vef- og markaðsmálum á Heilbrigðisvísindasviði Háskóla Íslands.
Við leitum að metnaðarfullri og hugmyndaríkri manneskju til að gegna lifandi og skemmtilegum verkefnum á sviði markaðs- og vefmála. Viðkomandi mun helst vinna við uppfærslu og efnisskrif fyrir vefi sviðsins, sem og efnissköpun fyrir samfélagsmiðla, með sérstakri áherslu á vísindamiðlun.
Verkefnisstjórinn hefur aðsetur á skrifstofu Heilbrigðisvísindasviðs í Læknagarði við Vatnsmýrarveg 16, ásamt öðru starfsfólki á sviðsskrifstofu. Starfsfólk sviðsskrifstofu sinnir margvíslegri stoðþjónustu á sviði náms, kennslu, rannsókna, mannauðsmála, reksturs og fjármála, auk markaðs- og vefmála.
Í stefnu Háskóla Íslands - HÍ26 - er áhersla lögð á að skólinn sé góður vinnustaður, að starfsumhverfi sé hvetjandi með vellíðan nemenda og starfsfólks að leiðarljósi. Lögð er áhersla á að laða að metnaðarfullt fólk með fjölbreyttan bakgrunn. Tekin hefur verið upp 36 stunda vinnuvika meðal starfsfólks í stjórnsýslu skólans.
-
Vefumsjón; vinna við nýja vefi og viðhald á núverandi vefjum sviðs og deilda
-
Umsjón með samfélagsmiðlum ásamt efnissköpun
-
Umsjón með gerð kynningarefnis af ýmsu tagi, t.a.m. í tengslum við námskynningar
-
Þátttaka í undirbúningi viðburða
-
Þátttaka í stafrænni þróun sviðsins
-
Önnur tilfallandi verkefni á sviði vef- og markaðsmála
-
Háskólapróf sem nýtist starfi
-
Reynsla af vefsíðugerð, aðallega í Wordpress og Drupal
-
Þekking og reynsla af helstu samfélagsmiðlum, þ.m.t. Facebook, Instagram og TikTok, og á auglýsingakerfum Facebook/Meta og Google
-
Þekking og reynsla af notkun Canva eða hönnunarforrita Adobe er kostur
-
Gott vald á upplýsingatækni og hæfni til að tileinka sér nýjungar á því sviði
-
Reynsla af skipulagningu ráðstefna og funda æskileg
-
Mjög góð íslensku- og enskukunnátta
-
Færni í samskiptum, sveigjanleiki, hugmyndaauðgi, drifkraftur og rík þjónustulund
Enska
Íslenska
