Verkefnastjóri - velsældarfræði

Sálfræðideild Háskólans í Reykjavík leitar að kraftmiklum einstaklingi í fjölbreytt og krefjandi starf verkefnastjóra til að vinna að stofnun námslínu á sviði velsældarfræði sem verið er að þróa í samstarfi Háskólans í Reykjavík, Háskóla Íslands, Háskólans á Akureyri og Landlæknisembættisins. Um er að ræða tímabundið starf til tveggja ára með möguleika á framlengingu.

Velsældarfræði er tiltölulega nýtt fræðasvið, sem enn er í mótun. Á alþjóðavettvangi er vaxandi áhugi fyrir breytingu í átt að velsældarhagkerfi þar sem lögð er áhersla á mannlega og vistfræðilega velsæld í hagkerfinu í stað þess að einblína á efnahagslegan vöxt. Alþjóðlegar áskoranir á borð við geðheilbrigðisvanda, loftslagskreppur, heimsfaraldra og vaxandi ójöfnuð undirstrika mikilvægi þess að efla menntun og rannsóknir á þessu sviði. Markmiðið með námslínunni er að leiða saman fólk frá ólíkum fræðasviðum til að móta frekar fræðasviðið og mennta fólk sem getur tekið þátt í innleiðingu á hugmyndafræði velsældarfræðanna í samfélaginu.

STARFSSVIÐ

• Utanumhald með uppsetningu námsbrautar í samvinnu við þverfaglegan hóp sérfræðinga
• Ýmis konar gagnaöflun og greiningarvinna í tengslum við uppsetningu námsbrautar
• Þátttaka í stefnumótun, markaðssetningu og kynningu námslínunnar
• Umsjón með verkefnum tengdum samstarfi við samfélagið og ytri hagaðila
• Uppbygging námsskrár og aðstoð við námslýsingar og kennsluskipulag
• Skráning námskeiða, kennara og námsefnis

Í boði er spennandi starf í metnaðarfullu og lifandi háskólaumhverfi. Starfið veitir ýmis tækifæri til að sýna frumkvæði með það að markmiði að skapa framúrskarandi náms- og vinnuumhverfi fyrir nemendur.

HÆFNISKRÖFUR

• Háskólamenntun á grunn/meistarastigi eða hærra (sálfræði, félagsvísindi, lýðheilsa, hagfræði, eða tengd svið)
• Rík þjónustulund og lipurð í mannlegum samskiptum
• Mikil skipulagshæfni og frumkvæði í starfi
• Reynsla af þverfaglegu samstarfi og hæfni til að vinna sjálfstætt og í teymi.
• Reynsla af verkefnastjórnun, þróun námsleiða eða rannsóknarverkefna er mikill kostur.
• Þekking og/eða áhugi á velsældarhugmyndum og sjálfbærni.
• Góð íslensku- og enskukunnátta (bæði talað og ritað mál)
• Góð tölvukunnátta nauðsynleg

Æskilegt er að viðkomandi geti hafið störf í september 2025. Með öllum umsóknum skal fylgja góð ferilskrá. Einnig er beðið um kynningarbréf þar sem umsækjandi rökstyður ástæður þess að vera rétta manneskjan í starfið. Umsóknarfrestur er til og með 25. maí 2025 og skal umsóknum skilað á vef Háskólans í Reykjavík.

Nánari upplýsingar um starfið veita Hildur Droplaug Pálsdóttir ([email protected]) skrifstofustjóri sálfræðideildar og/eða mannauðsdeild ([email protected]). Farið er með allar fyrirspurnir og umsóknir sem trúnaðarmál.