Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Akademísk staða - upplýsingatækniréttur og tengd réttarsvið

Lagadeild Háskólans í Reykjavík leitar að metnaðarfullum einstaklingi til að sinna kennslu og rannsóknum. Sérstök áhersla er lögð á svið upplýsingatækniréttar með snertiflöt við m.a. gervigreind, netöryggi og stafrænt samfélag. Um er að ræða fjölbreytt starf með möguleika á því að móta rannsóknir og kennslu á þessu síbreytilega og mikilvæga sviði. Ráðið verður í stöðu háskólakennara, lektors, dósents eða prófessors í samræmi við hæfismat.

Starfssvið

Viðkomandi mun m.a.:

Sinna kennslu við lagadeild og koma að þróun á öflugu námsframboði
Taka þátt í mikilvægri uppbyggingu innan deildarinnar
Vinna að sjálfstæðum rannsóknum og leggja sitt af mörkum til alþjóðlegs fræðasamfélags
Leiðbeina nemendum í rannsóknarverkefnum og lokaritgerðum

Lagadeild HR leggur ríka áherslu á virkt samstarf innan og utan háskólans, þverfaglegt nám og rannsóknir auk miðlunar fræðilegrar þekkingar til samfélagsins. Starfið býður því upp á tækifæri til að hafa áhrif og marka sérstöðu á mikilvægu og vaxandi sviði innan lögfræðinnar.

Hæfnikröfur

Doktors- eða fullnaðarpróf í lögfræði
Reynsla af fræðiskrifum og kennslu á háskólastigi æskileg
Áhugi eða sérþekking á sviði upplýsingatækniréttar og tengdra sviða
Áhugi á nýjungum í kennslu og miðlun þekkingar til nemenda, fræðasamfélags og almennings
Frumkvæði, sjálfstæð vinnubrögð og færni til að móta nýtt fræðasvið
Góð hæfni í mannlegum samskiptum og teymisvinnu

Umsókn skal fylgja:

Starfsferilskrá og ritaskrá
Afrit af prófskírteinum
Yfirlit yfir birt ritverk
Yfirlit um fyrirhugaðar rannsóknir (e. research statement)
Yfirlit um fyrirhugaða kennslu og framtíðarsýn í kennslu (e. teaching statement)
Gögn til vitnis um árangur í kennslu
Nöfn og upplýsingar um a.m.k. tvo meðmælendur
Aðrar upplýsingar sem umsækjandi vill koma á framfæri

Umsóknir berist rafrænt í gegnum vef Háskólans í Reykjavík.

Umsóknarfrestur er til og með 16. maí 2025.

Allar nánari upplýsingar veitir Mannauðsdeild Háskólans í Reykjavík, [email protected] eða Gunnar Þór Pétursson forseti lagadeildar Háskólans í Reykjavík, [email protected]

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Auglýsing birt16. apríl 2025

Umsóknarfrestur16. maí 2025

Tungumálahæfni

Engar sérstakar tungumálakröfur

Staðsetning

Menntavegur 1, 101 Reykjavík

Starfstegund

Hæfni