Verkefnastjóri í framkvæmdadeild

Festi leitar að verkefnastjóra í framkvæmdadeild fyrirtækisins til að sjá um fasteignaumsjón, rekstur og viðhald.

Við leitum að metnaðarfullum og lausnamiðuðum einstaklingi með menntun í byggingariðngrein/tæknifræði sem hefur reynslu eða þekkingu af umsjón með viðhaldi fasteigna.

Starfið felst m.a. í að taka á móti verkbeiðnum frá rekstrareiningum og sjá um að útdeila á þjónustuverktaka og eftirfylgni.

Menntunarkröfur og hæfniskröfur

• Iðnmenntun-, tækni- eða byggingafræðimenntun er æskileg.
• Þekking og reynsla af umsjón með viðhaldsframkvæmdum.
• Góð samskiptahæfni.
• Almenn tölvukunnátta.

Helstu þættir starfsins

• Umsjón og eftirlit með viðhaldsframkvæmdum og smærri nýframkvæmdum á fasteignum og rekstrareiningum félagsins, sem og með viðhaldi á rekstrartengdum búnaði í samráði við yfirmann.
• Gerð kostnaðar- og verkáætlana
• Eftirlit og umsjón með að verkum, eftirlit með að þau séu unnin í samræmi við samþykkt gögn, svo sem hönnunargögn, kostnaðar- og tímaáætlanir.

Í framkvæmdadeild Festi starfa 7 manns sem sjá um framkvæmdir Festi og rekstrarfélaga þess.

Festi er móðurfélag N1, Krónunnar, ELKO og Bakkans vöruhótels. Hjá Festi starfar öflugur hópur fagfólks á ýmsum sviðum sem þjónustar rekstrarfélögin í rekstri og framþróun.

Umsóknarfrestur er til 22.maí 2022

Nánari upplýsingar veitir Ívar Örn Þrastarson, [email protected]

Festi starfrækir vottað jafnlaunakerfi og hefur skuldbundið sig til að greiða jöfn laun fyrir sömu eða jafnverðmæt störf. Starfsfólki er veittur sveigjanleiki í starfi og lögð er áhersla á jafnvægi milli vinnu og einkalífs. Velferð starfsfólks er í fyrirrúmi og er ýmiss konar heilsueflandi þjónusta í boði í Velferðarpakka félagsins. Starfsfólk fær góð kjör á vörum og þjónustu hjá ELKO, Krónunni og N1.