Verkefnastjóri í Endurmenntun HÍ

Endurmenntun HÍ leitar að öflugum og hugmyndaríkum verkefnastjóra í teymi sem vinnur að þróun og umsjón fræðslu og náms af öllum stærðum og gerðum. Starfið býður upp á ýmsa möguleika fyrir fólk sem hefur brennandi áhuga á að bæta samfélagið - með því að efla hæfni og þekkingu, tengja fólk og skapa tækifæri.

Við Endurmenntun HÍ starfar þéttur hópur við að efla hæfni og þekkingu fólks í starfi og einkalífi. Með öflugri nýsköpun, góðum tengslum við atvinnulífið og traustan grunn í Háskóla Íslands hefur Endurmenntun HÍ verið í fararbroddi í símenntun á Íslandi í 40 ár.

Helstu verkefni og ábyrgð

Greining á þörfum og eftirspurn varðandi fræðslu/nám
Nýsköpun og þróun fræðslu/náms
Umsjón og eftirfylgni fræðslu/náms
Samskipti og samstarf við nemendur, samstarfsaðila og tengiliði í atvinnulífinu
Önnur sérverkefni tengd starfinu

Menntunar- og hæfniskröfur

Háskólapróf sem nýtist í starfi
Reynsla af störfum við sambærileg verkefni, t.a.m. við umsjón, skipulag eða þróun fræðslu/náms er æskileg
Góð samstarfs- og samskiptahæfni
Frumkvæði, lausnamiðuð hugsun og sjálfstæð vinnubrögð
Mjög góð tölvukunnátta
Reynsla af vinnu við stafrænt fræðsluefni er kostur
Mjög góð íslenskukunnátta í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Um er að ræða fullt starf og er æskilegt að viðkomandi geti hafið störf sem fyrst. Til greina kemur að ráðið verði í tvö sambærileg störf á grundvelli auglýsingarinnar.

Eftirfarandi gögn skulu fylgja umsókn

· Ferilskrá

· Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

· Staðfest afrit af prófskírteinum

· Upplýsingar um 2-3 umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Umsóknarfrestur er til og með 28. október.

Nánari upplýsingar veitir Jóhanna Rútsdóttir námsstjóri Endurmenntunar HÍ í tölvupósti hannaru@hi.is eða í síma 525-4444.

Við ráðningu í störf í Háskóla Íslands er tekið mið af jafnréttisáætun og málstefnu skólans sem finna má á heimasíðu HÍ.

Auglýsing birt18. október 2024

Umsóknarfrestur28. október 2024

Tungumálahæfni