Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Verkefnastjóri á deild byggingarmála

Umhverfis- og skipulagssvið Reykjavíkur auglýsir eftir verkefnastjórum til starfa á deild byggingarmála á skrifstofu skipulags- og byggingarmála. Um er að ræða fjölbreytt starf í skapandi og faglegu starfsumhverfi þar sem teymisvinna, nýsköpun og framsækni er höfð að leiðarljósi. Á skrifstofunni starfar kraftmikið teymi með brennandi áhuga á byggingarmálum og borgarþróun. Verkefnin eru fjölbreytt og snúa að umfjöllun byggingarleyfisumsókna, fyrirspurna ásamt yfirferð á aðaluppdráttum og öðrum hönnunargögnum. Við leitum að einstaklingum í teymið okkar sem hafa brennandi áhuga á byggingarmálum.

Helstu verkefni og ábyrgð

Yfirferð aðaluppdrátta, umsókna og fyrirspurna sem berast deildinni.
Veita ráðgjöf og leiðbeiningar til fagfólks, hönnuða og almennings sem varða byggingarmál, byggingarleyfisumsóknir og yfirferð aðaluppdrátta sem leggja á fyrir afgreiðslufundi byggingarfulltrúa og/eða fundi skipulagsráðs.
Svara fyrirspurnum varðandi athugasemdir sem gerðar hafa verið við mál á afgreiðslufundum og leiðbeina viðskiptavinum embættisins eftir þörfum.
Þátttaka í afgreiðslufundum byggingarfulltrúa, afgreiðsla mála á fundunum og vinna þeim tengdum.
Ýmis verkefni tengd byggingarmálum borgarinnar sem falla undir verksvið skrifstofunnar.

Menntunar- og hæfniskröfur

Háskólamenntun í arkitektúr, byggingarfræði, tæknifræði eða verkfræði.
Löggilding hönnuða á viðeigandi starfssviði.
Reynsla í yfirferð og gerð aðaluppdrátta.
Metnaður og vilji til að takast á við mismunandi, fjölbreytt og krefjandi verkefni.
Skipulagshæfni, nákvæmni, öguð og sjálfstæð vinnubrögð.
Góð hæfni í mannlegum samskiptum.
Tölvufærni í notkun á algengum hugbúnaði Word, Excel og Outlook, skjalakerfum og geta til að tileinka sér notkun nýrra kerfa.
Íslenskukunnátta C1-C2 skv. samevrópskum matsramma fyrir tungumálakunnáttu.

Um er að ræða fullt starf og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Vinnuvikan hjá Reykjavíkurborg er 36klst.
Nánari upplýsingar veita Anna Lára Karlsdóttir mannauðssérfræðingur; [email protected] og Silvá Kjærnested deildarstjóri byggingarmála; [email protected]
Umsóknarfrestur er til og með 13. Febrúar 2026.

Auglýsing birt5. febrúar 2026

Umsóknarfrestur13. febrúar 2026

Tungumálahæfni