Verkefnastjóri

Vilt þú vinna í skapandi, fjölbreyttu og lifandi vinnuumhverfi?

Þá gæti þetta verið starf fyrir þig...

Þjónustu- og nýsköpunarsvið leitar að metnaðarfullum verkefnastjóra til starfa á skrifstofu stafrænnar Reykjavíkur. Verkefnastjóri kemur til með að stýra fjölbreyttum verkefnum sem hafa það að markmiði að takast á við áskoranir sem Reykjavíkurborg stendur frammi fyrir hverju sinni. Verkefnin sem verkefnastofan stýrir snúa m.a. að tækni og þjónustu fyrir íbúa og starfsfólk, og eru þau unnin í samvinnu við aðrar skrifstofur og svið borgarinnar.

Verkefnastjóri hefur faglega og fjárhagslega umsjón með sínum verkefnum, sér um upplýsingagjöf og samskipti við hagsmunaaðila, fundagerðir og skjölun. Verkefnastjóri starfar eftir innkaupareglum Reykjavíkurborgar og heldur utan um innkaup sem tengjast verkefnum.

Helstu verkefni og ábyrgð

Stýring verkefna samkvæmt verklagi stafrænnar Reykjavíkur
Fjárhagsáætlunargerð, verk- og tímaáætlanir, fundarstýring og skjölun
Leiða verkefnahópa og vinnustofur
Upplýsingagjöf og samskipti við hagsmunaaðila
Vinnsla og framsetning á efni og gögnum
Þarfagreiningar og áhættumat
Opinber innkaup
Innleiðing lausna
Önnur þau verkefni sem yfirmaður felur verkefnastjóra

Menntunar- og hæfniskröfur

Háskólamenntun sem nýtist í starfi, framhaldsmenntun og/eða vottun í verkefnastjórnun er kostur
Reynsla í faglegri verkefnastýringu
Reynsla og/eða þekking á áætlanagerð, þar með talið fjárhagsáætlanagerð
Reynsla af greiningu áskorana
Farsæl reynsla af teymisvinnu
Framúrskarandi samskiptahæfileikar og geta til að vinna þvert á flóknar starfseiningar
Leiðtogahæfileikar, fagmennska og skipulagsfærni
Víðsýni, lausnamiðuð og skapandi hugsun
Góð tök á gerð og framsetningu efnis
Reynsla af opinberum innkaupum er kostur
Mjög góð íslensku og ensku kunnátta í rituðu og töluðu máli

Fríðindi í starfi

Við bjóðum upp á

Fyrsta flokks vinnustað
Niðurgreitt mötuneyti sem býður upp á fjölbreyttan og hollan mat
Verkefni sem stuðla að því að einfalda og bæta líf starfsfólks og borgarbúa
Krefjandi og skemmtileg verkefni
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
30 daga í sumarleyfi
36 stunda vinnuviku
Fyrsta flokks vinnuaðstöðu
Heilsu- og samgöngustyrk
Sundkort
Menningakort

Um vinnustaðinn

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi, skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu- og nýsköpunarsvið er regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Æskilegt er að viðkomandi geti hafið störf sem fyrst. Umsóknarfrestur er til 20. febrúar nk. Nánari upplýsingar um starfið veita Salvör Gyða Lúðvíksdóttir og Sigurrós Oddný Kjartansdóttir, teymisstjórar verkefnastofu stafrænnar Reykjavíkur, í gegnum tölvupóstföngin [email protected] og [email protected]

Launakjör eru samkvæmt kjarasamningi Reykjavíkurborgar og viðkomandi stéttarfélags.

Eftirfarandi gögn skulu fylgja umsókn:

Starfsferilsskrá
Kynningarbréf þar sem umsækjandi gerir grein fyrir áhuga og hæfni í starfið

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi. Verkefnin eru afar fjölbreytt og snerta daglegt líf borgarbúa með margvíslegum hætti.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt6. febrúar 2026

Umsóknarfrestur20. febrúar 2026

Tungumálahæfni