Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Verkefnastjóri á Heilbrigðisvísindabókasafni

Landspítali auglýsir lausa stöðu verkefnastjóra Heilbrigðisvísindabókasafns Landspítala og Háskóla Íslands.

Heilbrigðisvísindabókasafnið heyrir undir Vísindadeild Landspítala og þjónar bæði klínískri starfsemi sem og vísindastarfsemi. Safnið þjónar starfsfólki Landspítala, kennurum og nemendum Heilbrigðisvísindasviðs Háskóla Íslands. Verkefnastjóri hefur yfirumsjón með allri þjónustu og starfsemi safnsins og er faglegur leiðtogi starfseminnar.

Vísindadeild tilheyrir skrifstofu forstjóra Landspítala. Landspítali er háskólasjúkrahús og gegnir veigamiklu hlutverki í því að afla nýrrar þekkingar í heilbrigðisvísindum. Þekkingarleit og þróun tækni eru forsendur framfara og þess að spítalinn geti veitt þjónustu í hæsta gæðaflokki.

Starfið er laust samkvæmt samkomulagi og unnið er í dagvinnu.

Menntunar- og hæfniskröfur

Háskólamenntun í bókasafns- og upplýsingafræði eða önnur menntun sem nýtist í starfi

Metnaður og framsýni til að leiða starfsemi bókasafnsins til framtíðar í umhverfi sem er í sífelldri þróun

Starfsreynsla á bókasafni innan heilbrigðisvísinda er kostur

Góð samskiptahæfni

Reynsla af samningagerð er kostur

Mjög góð íslensku- og enskukunnátta bæði í töluðu og rituðu máli

Helstu verkefni og ábyrgð

Skipuleggur starfsemi safnsins

Skipuleggur og útdeilir verkefnum og hefur yfirumsjón með þeim fjölmörgu verkþáttum sem sinnt er á safninu

Leiðir þróun þjónustunnar

Sér um samninga og samskipti við erlenda útgefendur og birgja

Fulltrúi í stjórnarnefnd Landsaðgangs

Sinnir samstarfi við önnur háskólabókasöfn og stofnanir

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisvísindi, verkefnastjóri, bókasafn

Tungumálahæfni: íslenska 4/5, enska 4/5

Nánari upplýsingar

Magnús Gottfreðsson

Tölvupóstur: [email protected]

Anna Sigríður Guðnadóttir

Tölvupóstur: [email protected]

Auglýsing birt4. febrúar 2026

Umsóknarfrestur23. febrúar 2026

Tungumálahæfni