Laus störf Hæfnileit Vinnustaðir Námskeið

Arctic Hydro

Arctic Hydro sérhæfir sig á sviði lítilla og millistórra vatnsaflsvirkjana. Fyrirtækið er með í rekstri í dag 12 vatnsaflsvirkjanir sem eru staðsettar víðsvegar um landið. Uppsett afl þessara virkjana er um 22 MW með meðalframleiðslugetu upp á 110 - 130 GWst/ári. Arctic Hydro er sífellt að leita leiða til að stækka og eflast og er að vinna í mörgum þróunarverkefnum. Nokkur þessara þróunarverkefna eru á austurlandi en fyrirtækið sér mikla möguleika í þróun og byggingu vatnsafls í fjórðungnum. Félagið leitar uppi og stendur að frumhönnun, frekari útfærslum og framkvæmdum mögulegra virkjanakosta, hvort heldur sem slíkir kostir hafa áður komið til skoðunar af hálfu annarra, til að mynda Orkustofnunar, eða þá að félagið þróar áður óþekkta virkjanakosti frá grunni. Þannig nær starfsemi félagsins til allra þátta virkjunar, allt frá upphafi hugmyndar um mögulega virkjun til og með reksturs viðkomandi virkjunar. Markmið félagsins eru langtímamarkmið og fela í sér að skapa raunveruleg verðmæti til lengri tíma litið fyrir alla hlutaðeigandi aðila. Félagið ætlar sér að vera leiðandi einkaaðili á sviði raforkuframleiðslu á Íslandi enda eru gífurleg tækifæri til staðar á Íslandi fyrir félag eins og Arctic Hydro með tilheyrandi tækifærum og möguleikum fyrir eigendur orkuauðlinda.

Vinnustaðurinn

Verkefnastjóri

Viltu byggja upp vatnsaflsverkefni sem verða hluti af orkuinnviðum Íslands til framtíðar?

Hjá Arctic Hydro færð þú tækifæri til að leiða raunverulega uppbyggingu – verkefni sem fara alla leið frá fyrstu hugmynd að virkjun til fulls reksturs.

Félagið áformar að setja upp starfsstöð á Austurlandi og leitar að öflugum og metnaðarfullum verkefnastjóra til að leiða og móta starfsemina og framtíð vatnsafls í fjórðungnum.

Starfið er lykilhlutverk þar sem þú færð bæði ábyrgð og traust til að hafa áhrif. Þú vinnur að þróun nýrra orkukosta, stýrir framkvæmdum, byggir upp samstarf við hagaðila og tekur virkan þátt í rekstri virkjana. Hér er ekki um hefðbundið skrifborðsstarf að ræða, heldur tækifæri til að vera í fararbroddi sjálfbærrar orkuframleiðslu, vaxa með félagi í sókn og skilja eftir þig varanlegt spor í íslenskum orkuinnviðum.

Helstu verkefni og ábyrgð

Leiða og annast verkefnastjórnun vatnsaflsverkefna Arctic Hydro á Austurlandi.
Koma að stofnun og uppbyggingu starfstöðvar félagsins á Austurlandi.
Þróun nýrra vatnsaflsverkefna, allt frá frumhugmynd til framkvæmdar og reksturs.
Umsjón með verkefnum á byggingarstigi, þar með talið áætlanagerð, kostnaðareftirliti og eftirfylgni með verkframvindu.
Samstarf við ráðgjafa, verktaka, landeigendur, sveitarfélög og aðra hagaðila.
Þátttaka í rekstri og eftirfylgni með rekstri vatnsaflsvirkjana.
Tryggja að verkefni séu unnin í samræmi við lög, reglugerðir og stefnu félagsins.
Regluleg upplýsingagjöf og skýrslugerð til stjórnenda og samstarfsaðila.
Annað sem til fellur.

Menntunar- og hæfniskröfur

Háskólamenntun sem nýtist í starfi, t.d. á sviði verkfræði, tæknifræði, orkumála eða sambærilegu er skilyrði.
Reynsla af verkefnastjórnun, helst á sviði mannvirkja, orkuframleiðslu eða sambærilegra verkefna.
Þekking á framkvæmdum, hönnun og/eða rekstri orkuframleiðsluverkefna er kostur.
Góð skipulagsfærni og hæfni til að vinna sjálfstætt og taka ábyrgð.
Sterk samskiptahæfni og reynsla af samstarfi við ólíka hagaðila.
Geta til að leiða verkefni frá hugmynd til framkvæmdar.
Góð íslensku- og enskukunnátta í ræðu og riti.
Drifkraftur, frumkvæði og áhugi á uppbyggingu sjálfbærrar orkuframleiðslu.

Félagið leitar uppi og stendur að frumhönnun, frekari útfærslum og framkvæmdum mögulegra virkjanakosta, hvort heldur sem slíkir kostir hafa áður komið til skoðunar af hálfu annarra, til að mynda Orkustofnunar, eða þá að félagið þróar áður óþekkta virkjanakosti frá grunni. Þannig nær starfsemi félagsins til allra þátta virkjunar, allt frá upphafi hugmyndar um mögulega virkjun til og með reksturs viðkomandi virkjunar.

Markmið félagsins eru langtímamarkmið og fela í sér að skapa raunveruleg verðmæti til lengri tíma litið fyrir alla hlutaðeigandi aðila. Félagið ætlar sér að vera leiðandi einkaaðili á sviði raforkuframleiðslu á Íslandi enda eru gífurleg tækifæri til staðar á Íslandi fyrir félag eins og Arctic Hydro með tilheyrandi tækifærum og möguleikum fyrir eigendur orkuauðlinda.

Umsóknarfrestur er til og með 1. mars nk.

Sótt er um starfið á www.vinnvinn.is

Umsókn um starfið skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með starfinu hafa Jensína K. Böðvarsdóttir ([email protected]) og Garðar Óli Ágústsson ([email protected]) hjá Vinnvinn.

Auglýsing birt6. febrúar 2026

Umsóknarfrestur1. mars 2026

Tungumálahæfni