Vélbúnaðarhönnuður

Við leitum að verkfræðingi eða tæknifræðingi á sviði véla eða orku vegna fjölda nýrra spennandi verkefna á sviði jarðvarma. Þú verður hluti af öflugum hópi sem kemur að hönnun vélbúnaðar og stýringu verkefna á Orkusviði.

Starfið felur í sér fjölbreytt verkefni á sviði vélbúnaðar í virkjunum og veitukerfum, má þar m.a. nefna kerfishönnun, hönnun vélbúnaðar, stálvirkja og pípukerfa ásamt gerð útboðsgagna og almennri ráðgjöf fyrir orku- og veitufyrirtæki. Verksviðið er fjölbreytt og nær allt frá frumathugunum og valkostagreiningum að deilihönnun fyrir vinnu verktaka á verkstað. Hvert verkefni er leitt af verkefnisstjóra sem hefur með sér aðra sérfræðinga í takt við umfang verkefnisins. Vinnan er því teymisvinna og þörf á miklum og góðum samskiptum innanhúss sem utan.

Starfið krefst þess að starfsmaður sé áhugasamur og vilji miðla og afla sér þekkingar á sínu fagsviði til framtíðar. Við leitum að einstaklingi sem er góður liðsmaður og á auðvelt með að vinna í teymisvinnu.

Við höfum áhuga á jákvæðum einstaklingum með góða samskipta- og skipulagshæfni sem sýna metnað, frumkvæði og sjálfstæði í starfi.