Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Vélamaður á þjónustustöð í Garðabæ

Vegagerðin auglýsir laust starf vélamanns á þjónustustöð í Garðabæ.

Helstu verkefni og ábyrgð

Vélamenn sinna almennri daglegri þjónustu á vegakerfinu á starfssvæði þjónustustöðvarinnar í Garðabæ, sem nær frá botni Hvalfjarðar um Suðurnes, Bláfjöll og Þingvelli. Meðal verka er viðhald á vegstikum, umferðamerkjum og öðrum vegbúnaði ásamt annarri vinnu í starfsstöð. Yfir vetrartímann er unnið á vöktum allan sólarhringinn við eftirlit með færð á starfssvæði þjónustustöðvarinnar.

Menntunar- og hæfniskröfur

· Meirapróf og vinnuvélaréttindi skilyrði

· Reynsla af sambærilegum störfum æskileg

· Góð öryggisvitund

· Hæfni í mannlegum samskiptum

· Frumkvæði og hæfni til að vinna sjálfstætt sem og í hóp

· Gott vald á íslensku

· Almenn tölvukunnátta

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.

Áhugasamir einstaklingar af öllum kynjum eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir. Öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 04.07.2024