Þjóðminjasafn Íslands

Þjóðminjasafn Íslands er vísinda- og þjónustustofnun í eigu íslenska ríkisins. Því er ætlað að vera miðstöð þjóðminjavörslu og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar frá upphafi til vorra daga og stuðla að því að sem flestir geti haft gagn og gaman af sögu og minjum lands og þjóðar. Meginhluti safnhússins hýsir grunnsýningu Þjóðminjasafnsins: Þjóð verður til - menning og samfélag í 1200 ár.

Vinnustaðurinn

Umsjónarmaður húsnæðis- og öryggismála

Laust er til umsóknar fullt starf umsjónarmanns húsnæðis- og öryggismála í Þjóðminjasafni Íslands. Um er að ræða fjölbreytt og krefjandi starf sem felur í sér ábyrgð og daglega umsjón með öryggismálum og húsnæði safnsins ásamt viðhaldi og rekstri öryggiskerfa, húsnæðis og bifreiða. Leitað er að vandvirkum, þjónustulunduðum og úrræðagóðum einstaklingi með góða almenna tækniþekkingu.

Helstu verkefni og ábyrgð

Dagleg umsjón með húsnæðis- og öryggismálum safnsins, eftirlit með virkni öryggis-, hús- og loftræstikerfa og samskipti við þjónustuaðila.
Dagleg umsjón með góðri umgengni um húsnæði safnsins, jafnt skrifstofu- og sýningarhúsnæði, minni háttar viðhald og samskipti við þjónustuaðila og iðnaðarmenn.
Þátttaka í viðhaldi öryggishandbóka og reglulegri öryggisfræðslu og eftirlit með þjónustu öryggisfyrirtækja.
Vinnur tillögur að viðhaldsáætlunum og annast samskipti við iðnaðarmenn.
Innkaup og öflun tilboða.
Umsjón með bifreiðum safnsins, lóðum og sorphirðumálum.
Er fulltrúi safnsins í öryggisnefnd og tekur þátt í þjálfun starfsfólks á öryggiskerfi og rýmingu.
Ýmis önnur tilfallandi verkefni.

Menntunar- og hæfniskröfur

Menntun sem nýtist í starfi, s.s. iðn- eða tæknimenntun.
Reynsla af hússtjórnarkerfum og öryggiskerfum æskileg.
Góð almenn tölvuþekking.
Verklagni, vinnusemi, ákveðni, frumkvæði og vönduð vinnubrögð.
Góð heilsa/líkamlegt hreysti, snyrtimennska og samstarfslipurð.

Fríðindi í starfi

Íþróttastyrkur
Full stytting vinnuviku

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Um launakjör fer samkvæmt kjarasamningi fjármála- og efnahagsráðherra og SFR.

Um fullt starf er að ræða og æskilegt að viðkomandi geti hafið störf sem fyrst. Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags.

Umsókn um starfið þarf að fylgja ferilskrá með greinargóðum upplýsingum um störf umsækjenda og menntun, nöfnum a.m.k. tveggja umsagnaraðila ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni í starfið.

Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.

Umsóknir geta gilt í sex mánuði frá því að umsóknarfrestur rennur út. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.

Nánari upplýsingar um starfið veitir:

Þorbjörg Gunnarsdóttir framvæmdastjóri fjármálasviðs í síma: 864-7900 (Thorbjorg@thjodminjasafn.is) og
Ingibjörg Eðvaldsdóttir mannauðsstjóri í síma: 863-5511(ingibjorg.edvaldsdottir@thjodminjasafn.is)

Auglýsing birt13. nóvember 2024

Umsóknarfrestur25. nóvember 2024

Tungumálahæfni