Grímsnes- og Grafningshreppur

Sveitarfélagið Grímsnes- og Grafningshreppur er í miðri Árnessýslu, 890 km2 að stærð. Það varð til 1. júní 1998 við sameiningu tveggja hreppa Grímsneshrepps og Grafningshrepps. Þéttbýliskjarninn sveitarfélagsins er Borg og íbúar eru um 500. Mjög góð búsetuskilyrði eru í sveitarfélaginu og er sveitarfélagið afar vinsælt svæði fyrir frístundahús. Framtíðarsýn sveitarfélagsins er að Grímsnes- og Grafningshreppur verði eftirsóknarvert svæði til búsetu, atvinnu, frístundaiðju og útivistar. Þar verði góð skilyrði fyrir atvinnustarfsemi og þjónustu og að fjölbreytni búsetukosta í sveit og þéttbýli verði styrkur svæðisins. Margir fallegir staðir eru í sveitarfélaginu og má þar nefna Hengilsvæðið, Sogið, Kerið, Úlfljótsvatn og Þrastaskóg.

Vinnustaðurinn

Umsjónakennari á unglingastigi

Kerhólsskóli auglýsir eftirfarandi stöðu skólaárið 2025-2026.
Í skólanum eru rúmlega 90 nemendur frá eins árs og upp í 10. bekk.

Í Kerhólsskóla er lögð áhersla á einstaklingsmiðað nám, teymiskennslu og útinám. Unnið er samkvæmt hugmyndafræði „Uppeldi til ábyrgðar“. Leitað er eftir sjálfstæðu og drífandi fólki með mikla þekkingu og áhuga á skólastarfi.

Helstu verkefni og ábyrgð

Umsjónakennari á unglingastigi, 100% staða.

Menntunar- og hæfniskröfur

· Leyfisbréf til kennslu.

· Frumkvæði og hæfni til að skipuleggja nám í fjölbreyttum nemendahópi þar sem allir fá að njóta sín á eigin forsendum.

· Mjög góð hæfni í samskiptum, jákvæðni og sveigjanleiki í starfi.

· Færni í að vinna í teymum og að fjölbreyttum verkefnum.

· Þekking á Uppeldi til ábyrgðar.

· Þekking og reynsla af útinámi.

· Góð íslenskukunnátta.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsókn um starfið skal fylgja skrá yfir menntun og starfsferil og afrit af leyfisbréfi, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Fólk af öllum kynjum er hvatt til að sækja um. Umsækjendur verða að hafa hreint sakavottorð.

Frekari upplýsingar um starfið veitir Sigrún Hreiðarsdóttir, skólastjóri í netfanginu: [email protected]

Laun eru samkvæmt samningi Sambands íslenskra sveitarfélag og viðkomandi stéttarfélags.

Auglýsing birt12. maí 2025

Umsóknarfrestur27. maí 2025

Tungumálahæfni