Umdæmisstjóri/flugvallarstjóri á Akureyrarflugvelli

Isavia Innanlandsflugvellir ehf. leita að kraftmiklum umdæmisstjóra/flugvallarstjóra til að leiða flugvallarsamfélagið á Akureyrarflugvelli og í umdæmi 3. Í umdæminu eru auk Akureyrarflugvallar, þrír áætlunarflugvellir og átta lendingarstaðir. Akureyrarflugvöllur er vaxtarsproti í flugvallarkerfi landsins og miklar líkur eru á aukinni umferð millilandaflugs um flugvöllinn. Við leitum að reynslumiklum leiðtoga sem er tilbúinn til að takast á við krefjandi og skemmtilegt starf.

Helstu verkefni:

• Ábyrgð á daglegum rekstri og fjárhagsáætlunargerð.
• Mannaforráð, þjálfun og símenntun starfsfólks.
• Eftirfylgni og innleiðing á stefnum samstæðunnar.
• Eftirfylgni markmiða og mælikvarða.
• Ábyrgð á að innri og ytri kröfur í starfsleyfi séu innleiddar samkvæmt áætlun og á aðkomu að gerð viðeigandi skjala vegna þess.
• Ábyrgð á að gæða- og öryggisstjórnunarkerfi sé virkt innan síns umdæmis, þ.m.t. umbætur vegna frávika og atvika.
• Að sjá til þess að flugvellirnir í umdæminu séu búnir viðeigandi tækjum og búnaði.
• Fylgir eftir að notendur flugvallarins samræmi verklag samkvæmt öryggisstefnu og öryggisráðstöfunum flugvallar og hlíti þeim.

Hæfniskröfur:

• Háskólapróf eða sambærileg menntun sem nýtist í starfi.
• Reynsla af stjórnun, rekstri, verkefnastjórnun og áætlanagerð er skilyrði.
• Þekking og reynsla af innleiðingu og eftirfylgni öryggis- og gæðastjórnunarkerfa.
• Leiðtogahæfileikar, skipulögð og öguð vinnubrögð.
• Góð samskiptahæfni.
• Góð íslensku og enskukunnátta í ræðu og riti.

Við hvetjum áhugasama einstaklinga án tillits til kyns og uppruna, til að sækja um.

Starfsstöð: Akureyri

Umsóknarfrestur er til og með 18. mars

Nánari upplýsingar um starfið veitir Sigrún Björk Jakobsdóttir framkvæmdastjóri, [email protected]