Umhverfisstofnun

Hlutverk Umhverfisstofnunar er að annast þjónustu og ákvarðanir er varða umhverfisgæði og náttúruvernd. Starfsemin fer fram á níu starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Hella, Reykjavík, Hvanneyri, Hellissandur, Patreksfjörður og Ísafjörður. Við sjáum um: Friðlýst svæði (önnur en Vatnajökulsþjóðgarð og Þingvallaþjóðgarð) og Þjóðgarðinn Snæfellsjökul Vernd á lífríki og veiðar á villtum fuglum og villtum spendýrum Losunarbókhald Íslands vegna skuldbindinga í loftslagsmálum Mengunarvarnir – útgáfa leyfa og eftirlit Umsagnir vegna mats á umhverfisáhrifum og skipulags Efnamál – vernd heilsu og umhverfis Hringrásarhagkerfi - innleiðing og grænn lífsstíll Vatnamál - stjórnun vatnamála Bráðamengun í hafi - viðbragð

Vinnustaðurinn

Þjónustufulltrúi Snæfellsjökulsþjóðgarður

Umhverfisstofnun leitar að þjónustufulltrúa í 70% starf í Snæfellsjökulsþjóðgarð. Þjóðgarðurinn rekur gestastofur á Malarrifi og Hellissandi og viðkomandi mun starfa í nýrri þjóðgarðsmiðstöð á Hellissandi. Megin verksvið þjónustufulltrúa er þjónusta við gesti þjóðgarðsins.

Umhverfisstofnun hefur umsjón með yfir hundrað náttúruverndarsvæðum. Eitt af okkar stærstu verkefnum í náttúruvernd er uppbygging innviða með bætt aðgengi, öryggi og verndun að leiðarljósi. Þjóðgarðurinn heyrir undir Umhverfisstofnun og mun þjónustufulltrúi vinna í teymi á sviði náttúruverndar þar sem áhersla er lögð á þverfaglega teymisvinnu. Í boði er líflegt starf þar sem tækifæri verður til þátttöku í þróun á starfsemi gestastofa og þjóðgarðsins. Við leitum að jákvæðum og metnaðarfullum einstaklingi með framúrskarandi þjónustulund og samskiptahæfni.

Helstu verkefni og ábyrgð

Móttaka gesta, fræðsla og upplýsingagjöf
Þjónusta og afgreiðsla í gestastofum á Hellissandi og Malarrifi
Taka á móti hópum og sjá um leiðsögn um sýningu
Þátttaka í stefnumótun þjóðgarðsins og efling öryggismála
Önnur tilfallandi verkefni

Menntunar- og hæfniskröfur

Framúrskarandi hæfni í samskiptum og þjónustulund
Menntun sem nýtist í starfi
Gott vald á íslensku og ensku. Frekari tungumálakunnátta er kostur
Reynsla af þjónustustörfum er kostur
Áhugi á umhverfismálum og náttúruvernd er kostur
Þekking á þjóðgarðinum og nærsvæði hans er kostur

Næsti yfirmaður er Hákon Ásgeirsson þjóðgarðsvörður sem veitir upplýsingar um starfið í síma 591 2000 eða á netfangið hakon@snaefellsjokull.is

Umhverfisstofnun er fjölbreyttur og lifandi vinnustaður. Við búum yfir fjölbreyttri sérfræðiþekkingu og höfum tækifæri til að þróast í starfi, m.a. með virkri endurmenntun.

Við störfum í teymum, vítt og breitt um landið á 9 starfsstöðvum og eftir vottuðum gæðakerfum. Við erum með jafnlaunavottun, virka umhverfisstefnu og störfum samkvæmt Grænum skrefum, sjá graenskref.is.

Við leggjum áherslu á stafræna þróun og tekið er fagnandi á móti nýju fólki sem hefur þekkingu og áhuga á stafrænum lausnum. Í júní sl. voru samþykkt lög á Alþingi um breytingar á stofnanaskipulagi umhverfis-, orku- og loftslagsráðuneytisins. Samkvæmt þeim mun Snæfellsjökulsþjóðgarður tilheyra nýrri Náttúruverndarstofnun frá næstu áramótum.

Sjá nánari upplýsingar um Umhverfisstofnun á umhverfisstofnun.is

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags. Gagnkvæmur reynslutími er sex mánuðir við ráðningu. Æskilegt er að starfsmaðurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.

Sjá nánari upplýsingar um Umhverfisstofnun á umhverfisstofnun.is

Auglýsing birt12. september 2024

Umsóknarfrestur23. september 2024

Tungumálahæfni