Laus störf Hæfnileit Vinnustaðir Námskeið

Olís

Olís er eitt af 30 stærstu fyrirtækjum landsins og eru starfsmenn fyrirtækisins og dótturfélaga um 420. Olíuverzlun Íslands hf. var stofnað 3. október 1927. Félagið hefur fylgt þeirri þróun sem átt hefur sér stað í íslensku atvinnulífi allt frá stofnun þess. Olíuverzlun Íslands er í dag þekktari undir nafninu Olís en starfsemi félagsins er skipt upp í þrjú meginsvið: Smásölu- og eldsneytissvið, heildsölu- og rekstrarvörusvið og fjármálasvið auk stoðsviða sem eru starfsmannasvið og markaðssvið. Félagið rekur fjölda þjónustustöðva undir vörumerki Olís ásamt sjálfsafgreiðslustöðvum undir vörumerki ÓB - ódýrt bensín.

Vinnustaðurinn

Sviðsstjóri fyrirtækjasviðs

Olís leitar að öflugum og reynslumiklum stjórnanda til að stýra fyrirtækjasviði félagsins. Starfið heyrir undir framkvæmdastjóra Olís og situr viðkomandi stjórnandi í framkvæmdastjórn félagsins. Sviðsstjóri ber ábyrgð á sölu eldsneytis og vörum því tengdu til fyrirtækja ásamt innkaupum og rekstri sviðsins.

Um er að ræða krefjandi og áhrifamikið stjórnendastarf þar sem framundan er stefnumótun, rekstur og uppbygging sviðsins með skýra ábyrgð á afkomu, framúrskarandi þjónustu við viðskiptavini, stafræna þróun verkferla o.fl.

Helstu verkefni og ábyrgð

Mótun og innleiðing stefnu fyrirtækjasviðs í samræmi við heildarstefnu Olís.
Ábyrgð á rekstri sviðsins, þ.m.t. fjárhagslegum árangri, markmiðum og áætlunum.
Greining markaðstækifæra og eftirfylgni með þróun í rekstrarumhverfi fyrirtækjaviðskipta.
Leiðtogahlutverk gagnvart teymi stjórnenda og sérfræðinga innan fyrirtækjasviðs.
Uppbygging og viðhald langtíma viðskiptasambanda við lykilviðskiptavini um land allt.
Stýring innkaupa og samskipta við innlenda og erlenda birgja.
Tryggja framúrskarandi þjónustu, fagleg vinnubrögð og skilvirkan rekstur í samræmi við stefnu fyrirtækisins.
Þróa nýjar lausnir í nánu samstarfi við aðrar deildir.

Menntunar- og hæfniskröfur

Háskólamenntun sem nýtist í starfi.
Víðtæk stjórnunarreynsla.
Reynsla af starfi á fyrirtækjamarkaði (B2B) og samningagerð.
Sterk greiningar- og skipulagshæfni ásamt góðum fjárhagslegum skilningi.
Framúrskarandi samskipta- og leiðtogahæfni.
Frumkvæði, árangursdrifni og sjálfstæði í vinnubrögðum.
Reynsla á að byggja upp metnaðarfulla og árangursdrifna menningu.
Reynsla af stefnumótun og innleiðingu breytinga.
Góð íslensku- og enskukunnátta í ræðu og riti.

Olís er dótturfélag Haga og er Olís leiðandi fyrirtæki á íslenskum eldsneytis og smásölumarkaði

Olís ehf. var stofnað 3. október 1927. Félagið hefur fylgt þeirri þróun sem átt hefur sér stað í íslensku atvinnulífi allt frá stofnun þess. Starfsemi félagsins er skipt upp í fjögur meginsvið: fyrirtækjasvið, smásölusvið, fjármálasvið og mannauðs- og rekstrarsvið. Höfuðstöðvar félagsins eru að Skútuvogi 5, Reykjavík en félagið rekur fjölda útibúa og þjónustustöðva undir vörumerki Olís ásamt sjálfsafgreiðslustöðvum undir vörumerkinu ÓB. Einnig rekur félagið vörulager að Skútuvogi 5. Olís sinnir einnig fjölþættri sölu og þjónustu gagnvart fyrirtækjum um land allt, m.a. sjávarútvegs, verktaka,- og flutningafyrirtækjum. Hjá Olís starfa um 300 manns.

Umsóknarfrestur um starfið er til og með 15. febrúar nk.

Sótt er um starfið á www.vinnvinn.is

Umsókn um starfið skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með starfinu hafa Hilmar G. Hjaltason ([email protected]) og Unnur Ýr Konráðsdóttir ([email protected]).

Auglýsing birt6. febrúar 2026

Umsóknarfrestur15. febrúar 2026

Tungumálahæfni