Heilbrigðisstofnun Vestfjarða

Á Heilbrigðisstofnun Vestfjarða starfa um 250 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins.

Vinnustaðurinn

Starfsmaður í upplýsingatæknideild

Heilbrigðisstofnun Vestfjarða óskar eftir að ráða starfsmann í upplýsingatæknideild. Leitað er eftir drífandi starfsmanni með sterkan tæknilegan bakgrunn sem sýnir frumkvæði að nýjungum og endurbótum í upplýsingakerfum. Framundan eru fjölbreytt og krefjandi verkefni með áherslu á frekari stafræna þróun, fjarheilbrigðisþjónustu og sjálfvirknivæðingu.

Ráðið verður í starfið frá 1. september eða eftir nánara samkomulagi.

Helstu verkefni og ábyrgð

Umsjón með rekstri og framþróun upplýsingakerfa
Greining og hönnun hugbúnaðarlausna
Frumkvæði að nýjungum og endurbótum í upplýsingakerfum
Umsjón, eftirfylgni og samhæfing upplýsingatækniverkefna
Áætlanagerð og kostnaðareftirlit
Samskipti þvert á stofnunina, við ytri aðila og birgja
Vinna með stjórnendum við að tryggja framgang verkefna og fjarlægja hindranir
Aðstoð við notendur upplýsingakerfa

Menntunar- og hæfniskröfur

Menntun á sviði tölvunarfræði, kerfisstjórn eða öðru sem nýtist í starfi. Háskólapróf er kostur
Þekking og reynsla af rekstri upplýsingatæknikerfa
Þekking á Microsoft lausnum t.d Office 365, Sharepoint, Azure og Active Directory er kostur
Þekking á Orra, kerfi Fjársýslunnar og sjúkraskrárkerfinu Sögu er kostur
Sjálfstæð vinnubrögð, frumkvæði og metnaður til að ná árangri í starfi
Greiningarhæfni og skipulagshæfileikar
Framúrskarandi samskiptahæfni og mikil þjónustulund
Góð kunnátta í íslensku og ensku

Með umsókn skal fylgja ítarleg náms- og starfsferilskrá ásamt kynningabréfi þar sem gerð er grein fyrir hæfni og áhuga á starfinu ásamt afriti af prófskírteinum. Leggja skal fram staðfestar upplýsingar um menntun, fyrri störf og reynslu.

Viðtöl verða tekin við umsækjendur og byggist ákvörðun um ráðningu í starfið á þeim ásamt innsendum gögnum og umsögnum meðmælenda.

Tekið er mið af jafnréttisstefnu stofnunarinnar við ráðningu.

Öllum umsóknum verður svarað þegar tekin hefur verið ákvörðun um ráðningu.

Starfsstöð skal vera innan heilbrigðisumdæmis stofnunarinnar.

Auglýsing birt2. júlí 2025

UmsóknarfresturEnginn

Tungumálahæfni

Engar sérstakar tungumálakröfur

Staðsetning

Torfnes, 400 Ísafjörður

Stekkar 1, 450 Patreksfjörður

Starfstegund

Starfsgreinar

Starfsmerkingar