Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Starfsmaður á innkaupadeild Landspítala

Ertu jákvæður og lausnamiðaður einstaklingur með áhuga á heilbrigðisþjónustu og/ eða heilbrigðisvörum?

Innkaupadeild leitar að drífandi og skipulögðum aðila til starfa. Meðal helstu verkefna eru samskipti við fagfólk Landspítala og heilbrigðisstofnanir vegna pantana, vöruvals og gæðamála ásamt samskiptum við birgja.

Innkaupadeild Landspítala heyrir undir rekstrar- og mannauðssvið en helstu verkefni deildarinnar eru útboð, verðfyrirspurnir, samningar og samningastjórnun. Á deildinni starfa 18 einstaklingar sem tryggja hagkvæmni í innkaupum og að innkaup spítalans séu með þeim hætti að öryggi sjúklinga sé tryggt á hagkvæmasta mögulega máta.

Við sækjumst eftir einstaklingi sem hefur ríka þjónustulund, góða samskiptahæfni og sýnir frumkvæði og nákvæmni í vinnubrögðum. Starfshlutfall er 100% og er upphafsdagur starfs samkomulag.

Menntunar- og hæfniskröfur

Menntun sem nýtist í starfi

Menntun eða reynsla í innkaupum og/ eða vörustýringu

Rík þjónustulund, frumkvæði og samskiptahæfni

Tölvufærni, sérstaklega í excel, nákvæmni og agi í vinnubrögðum

Góð íslensku- og enskukunnátta

Reynsla af innkaupamálum og/ eða þekking á heilbrigðisvörum er kostur

Helstu verkefni og ábyrgð

Vinna við þjónustuborð innkaupadeildar

Tengiliður innkaupadeildar við aðrar deildir spítalans

Samskipti við fagfólk Landspítala, heilbrigðisstofnanir og birgja vegna innkaupa

Vöruleit bæði innanlands og utan

Innkaupagreiningar, tölfræði og áætlanagerð

Önnur tilfallandi verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara í gegnum ráðningarkerfi ríkisins. Umsókn fylgi náms- og starfsferilskrá auk kynningarbréfs. Fylgiskjöl skulu vera á pdf formi.

Ákvörðun um ráðningu í starfið byggist á faglegu og stöðluðu matsferli. Tekið er mið af jafnréttisstefnu Landspítala við ráðningar. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, innkaupafulltrúi, skrifstofustarf

Nánari upplýsingar

Kristján Þór Valdimarsson, [email protected], 543 1516

Innkaupadeild

Skaftahlíð 24

105 Reykjavík

Auglýsing birt7. nóvember 2023

Umsóknarfrestur21. nóvember 2023

Tungumálahæfni

Engar sérstakar tungumálakröfur

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (43)

Sjúkraliðar og sjúkraliðanemar í starfsnámi á lyflækningadeild