Laus störf Hæfnileit Vinnustaðir Námskeið

Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Launafulltrúi hjá Akraneskaupstað

Akraneskaupstaður óskar eftir að ráða öflugan og þjónustulundaðan launafulltrúa til starfa í mannauðs- og launadeild sveitarfélagsins. Um er að ræða 100% tímabundið starf til eins árs.

Mannauðs- og launadeild sinnir miðlægri þjónustu við stofnanir, stjórnendur og starfsfólk Akraneskaupstaðar á sviði launa-, kjara- og mannauðsmála. Deildin sinnir jafnframt launavinnslu og kjararáðgjöf fyrir Höfða, hjúkrunar- og dvalarheimili.

Deildin er nú að ljúka innleiðingu Kjarna, nýs mannauðs- og launakerfis, og framundan eru fjölbreytt verkefni við áframhaldandi þróun, samræmingu verkferla og aukna þjónustu við stjórnendur og starfsfólk.

Leitað er að einstaklingi sem hefur áhuga á launa- og kjaramálum, er nákvæmur og skipulagður ívinnubrögðum og á auðvelt með samskipti og samstarf.

Helstu verkefni og ábyrgð

Launavinnsla og undirbúningur launakeyrslna með það að markmiði að rétt laun séu greidd á réttum tíma.
Stofnun og breytingar starfsmannaupplýsinga í launa- og mannauðskerfi.
Yfirferð launaforsendna, skráninga og gagnaskila og eftirfylgni með frávikum.
Framkvæmd kjarasamninga og launasetning í samstarfi við mannauðs- og launateymi.
Launaleiðréttingar, endurreikningar og frágangur launagagna.
Skilagreinar til Skattsins, lífeyrissjóða, stéttarfélaga og annarra aðila eftir því sem við á.
Afstemmingar og önnur launatengd skýrslugjöf.
Samskipti og þjónusta við starfsfólk og stjórnendur vegna launa- og kjaramála.
Uppfærsla upplýsinga vegna breytinga á kjarasamningum, launatöflum og öðrum launatengdum réttindum.
Þátttaka í þróun og samræmingu verkferla, gátlista og leiðbeininga.
Þátttaka í áframhaldandi innleiðingu og þróun Kjarna og annarra launa- og mannauðskerfa.
Þátttaka í umbótum og nýtingu tæknilausna og sjálfvirkni til að einfalda verkferla og auka gæði og skilvirkni.
Önnur verkefni á sviði launa- og kjaramála eftir því sem þörf krefur.

Menntunar- og hæfniskröfur

Menntun sem nýtist í starfi.
Háskólamenntun sem nýtist í starfi er kostur.
Reynsla af launavinnslu og/eða kjaramálum er æskileg.
Þekking og reynsla af kjarasamningum er kostur.
Góð tölvukunnátta og hæfni til að tileinka sér ný kerfi.
Góð Excel-kunnátta er kostur.
Nákvæmni, skipulagshæfni og sjálfstæði í vinnubrögðum.
Rík þjónustulund og góð samskipta- og samstarfshæfni.
Góð íslenskukunnátta í ræðu og riti.
Hæfni til að vinna undir álagi og halda utan um mörg verkefni samtímis.

Fjölbreytt og ábyrgðarmikið starf í öflugu teymi þar sem lögð er áhersla á fagmennsku, samvinnu og góða þjónustu. Starfið veitir gott tækifæri til að öðlast víðtæka reynslu af launa- og kjaramálum hjá fjölbreyttum vinnustað og taka þátt í áframhaldandi uppbyggingu og þróun mannauðs- og launastarfs Akraneskaupstaðar.

Starfið heyrir undir mannauðsstjóra Akraneskaupstaðar.

Launakjör eru samkvæmt gildandi kjarasamningi Sambands íslenskra sveitarfélaga og viðkomandi stéttarfélags.

Umsókn skal fylgja ferilskrá og kynningarbréf þar sem gerð er grein fyrir menntun, reynslu og ástæðu umsóknar.

Nánari upplýsingar um starfið veitir Harpa Hallsdóttir, Mannauðsstjóri í síma 842-2505 eða með tölvupósti á [email protected].

Akraneskaupstaður hvetur einstaklinga af öllum kynjum til að sækja um starfið.

Auglýsing birt4. nóvember 2026

Umsóknarfrestur16. nóvember 2026

Tungumálahæfni