Laus störf Hæfnileit Vinnustaðir Námskeið

Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Starfsmenn óskast í stoðþjónustu við fötluð börn

Velferðar- og mannréttindasvið Akraneskaupstaðar óskar eftir starfsfólki í stoðþjónustu við fötluð börn. Um er að ræða störf í tímavinnu. Vinnutími er sveigjanlegur en oftast nær seinnipart dags og/eða um helgar.

Helstu verkefni og ábyrgð

Vinnan felst í að veita aðstoð við flestar athafnir daglegs lífs og veita stuðning og tækifæri til félagslegrar þátttöku.

Starfsfólk þarf að geta unnið sjálfstætt en fær leiðsögn og stuðning frá foreldrum barnsins og ráðgjafaþroskaþjálfa velferðar- og mannréttindasviðs eftir þörfum.

Menntunar- og hæfniskröfur

Viðkomandi þarf að vera 20 ára eða eldri.

Jákvæðni og frumkvæði í starfi

Sjálfstæð vinnubrögð

Viðkomandi þarf að vera stundvís og sveigjanlegur

Að virðing sé höfð að leiðarljósi í samskiptum

Hreint sakavottorð í samræmi við lög og reglur Akraneskaupstaðar

Nauðsynlegt er að viðkomandi tali og skilji íslensku

Reynsla af störfum með fötluðum æskileg, háskólamenntun kostur en ekki nauðsynleg

Góð hæfni í mannlegum samskiptum og leikni við að bregðast við óvæntum aðstæðum.

Starfið er tilvalið með skóla og/eða hlutastarfi.

Laun samkvæmt kjarasamningi Sambands íslenskra sveitafélaga annars vegar við Verkalýðsfélag Akraness eða Sameyki hinsvegar.