Starf á sviði umhirðu og jarðsetninga
Kirkjugarðar Reykjavíkur leita að metnaðarfullum og drífandi einstaklingi í framtíðarstarf á sviði umhirðu og jarðsetninga.
Starfið felur í sér vinnu við almenna umhirðu garðanna og fjölbreytt verkefni sem unnin eru í teymum sem og sjálfstætt.
Um fullt starf er að ræða og er vinnutími frá kl. 8 - 16 mánudag til fimmtudaga en föstudaga er unnið til kl. 12 á hádegi.
Viðhald og gróðursetning í görðum
Snyrting og frágangur í görðum, hellulagning, sláttur og trjáklippingar
Aðstoð við grafartekt og frágang
Tilfallandi samskipti við gesti sem koma í garðana
Önnur tilfallandi störf
Í starfinu felst ábyrgð á að þjónustu sé sinnt á faglegan og nærgætinn hátt og að öryggistöðlum sé fylgt við dagleg störf.
Menntun á sviði garðyrkju/skrúðgarðyrkju kostur, eða sambærileg menntun.
Vinnuvélaréttindi I kostur
Starfið gerir kröfur um handlægni og fumkvæði.
Færni í mannlegum samskiptum, jákvæðni og geta til að vinna í teymum sem og sjálfstætt.
Kirkjugarðar Reykjavíkur er lifandi og skemmtilegur vinnustaður þar sem um 30 starfsmenn starfa. Fyrirtækið er í stefnumótunarferli og því er tækifæri til að hafa áhrif á uppbyggingu og menningu fyrirtækisins.
Framtíðarsýn Kirkjugarða Reykjavíkur er að vera garður allra þeirra sem vilja kyrrð og ró í umhverfi sem einkennist af hlýju, umhyggju og kærleika. Kirkjugarðar Reykjavíkur hafa opinn faðm gagnvart öllum þeim sem vilja kveðja ástvini sína og varðveita minningar.
Gildi Kirkjugarða Reykjavíkur leggja grunn að góðri menningu innan garðanna, styðja við ákvaðanatöku, skapa samheldni meðal starfsfólks og byggja upp traust út í samfélaginu.
Gildin okkar eru VIRÐING - UMHYGGJA - FAGMENNSKA - LIÐSHEILD
Heimasíða Kirkjugarða Reykjavíkur er: https://www.kirkjugardar.is/
Nánari upplýsingar um starfið veitir Helena Sif Þorgeirssdóttir sviðstjóri umhirðu og jarðsetninga hjá Kirkjugörðum Reykjavíkur helena@kirkjugardar.is
Umsóknarfrestur er til og með 1. desember 2025
Öllum umsóknum verður svarað og farið með þær sem trúnaðarmál.
