Laus störf Hæfnileit Vinnustaðir Námskeið

Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

Vinnustaðurinn

Söluráðgjafi viðskiptalausna

Við leitum að metnaðarfullum og lausnamiðuðum söluráðgjafa til að styrkja teymið okkar í sölu á Dynamics 365 Business Central, Power Platform og öðrum tengdum lausnum frá Microsoft.

Starfssvið

Starfið felst í söluráðgjöf, kynningum, gerð tilboða og samninga, auk virkra og markvissra samskipta við viðskiptavini. Þekking á helstu hugbúnaðarlausnum Microsoft er kostur og mikilvægt er að viðkomandi hafi mikinn áhuga á upplýsingatækni og stafrænum lausnum.

Þekking og reynsla

Háskólamenntun eða önnur menntun sem nýtist í starfi
Þekking og reynsla af sölu og/eða þjónustu á viðskiptakerfum/bókhaldskerfum, eins og t.d. Dynamics 365 Business Central, er kostur
Hæfni í framkomu og kynningum
Gott vald á töluðu og rituðu máli
Sjálfstæð og skipulögð vinnubrögð
Lipurð og hæfni í mannlegum samskiptum
Sterkt frumkvæði og áhugi á að þróa og rækta ný viðskiptasambönd

Ef þú hefur áhuga á að vinna með öflugar lausnir, nýta hæfileika þína í faglegu umhverfi og taka þátt í því að þróa árangursrík viðskiptasambönd, þá viljum við heyra frá þér.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 6. mars 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Auðunn Stefánsson, forstöðumaður, [email protected] / 4409000.

Auglýsing birt19. febrúar 2026

Umsóknarfrestur6. mars 2026

Tungumálahæfni