Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Sjúkraþjálfari og/eða iðjuþjálfi - Hrafnista Reykjanesbæ

Sjúkra-og iðjuþjálfunardeild Hrafnistuheimilanna í Reykjanesbæ óskar eftir að ráða sérfræðing inn í teymið, sjúkraþjálfara og/eða iðjuþjálfa.

Afar spennandi tímar eru framundan í teyminu en Hrafnista Nesvöllum stækkar næsta haust úr 90 íbúa heimili í 140 íbúa heimili.

Um er að ræða spennandi starf sem býður upp á mikinn sveigjanleika og öfluga liðsheild ásamt mótun og þróun á starfinu.

Um er að ræða 70% starfshlutfall eða eftir samkomulagi.

Helstu verkefni og ábyrgð

Ábyrgð á þeirri þjálfun sem viðkomandi veitir og mat á árangri meðferðar
Meta færni, veita færniþjálfun og ráðgjöf
Skráning og skýrslugerð
Fræðsla og skipulagning starfa aðstoðarfólks á deild
Þátttaka í þverfaglegu samstarfi/teymi
Þátttaka í fagþróun

Menntunar- og hæfniskröfur

Íslenskt starfsleyfi sem sjúkraþjálfari/Íslenskt starfsleyfi sem iðjuþjálfi
Hæfni í mannlegum samskiptum og jákvætt viðhorf
Skipulagshæfni, frumkvæði og sjálfstæði í vinnubrögðum
Íslenskukunnátta

Hrafnista er stærsta hjúkrunarheimili landsins og telur nú 8 heimili og u.þ.b. 1700 starfsmenn. Í Reykjanesbæ eru Hrafnistuheimilin tvö sem deildin þjónustar, Hrafnista Nesvöllum og Hrafnista Hlévangi.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar frekari upplýsingar veitir Kristín Valborg Thomsen deildarstjóri (kristin.thomsen@hrafnista.is)

Auglýsing birt14. nóvember 2024

Umsóknarfrestur24. nóvember 2024

Tungumálahæfni