Grýtubakkahreppur

Grýtubakkahreppur er um 400 manna sveitarfélag við austanverðan Eyjafjörð. Hreppurinn rekur m.a. grunnskóla, leikskóla, slökkvilið, áhaldahús, veitur og hjúkrunarheimili.

Vinnustaðurinn

Iðjuþjálfi óskast til starfa á Grenivík, Grýtubakkahreppi

Grýtubakkahreppur leitar að metnaðarfullum, sjálfstæðum og drífandi iðjuþjálfa í 70-100% starf. Um er að ræða nýja stöðu og mun iðjuþjálfinn sinna ýmsum verkefnum fyrir stofnanir sveitarfélagsins; leikskólann Krummafót, Grenivíkurskóla og dvalarheimilið Grenilund. Starfið er því fjölbreytt og skemmtilegt og verkefnin breytileg eftir því hvar þörfin er mest hverju sinni.

Leitað er eftir einstaklingi með mikinn metnað, sem sýnt hefur árangur í störfum sínum og leggur áherslu á vellíðan og árangur skjólstæðinga sinna. Ráðið verður í stöðuna til eins árs, með möguleika á áframhaldandi ráðningu. Laun eru greidd samkvæmt kjarasamningum Sambands íslenskra sveitarfélaga. Æskilegt er að umsækjendur geti hafið störf sem fyrst.

Helstu verkefni og ábyrgð

Annast námsaðlögun og stuðning við fjölbreyttan nemendahóp í samráði við annað starfsfólk.
Ráðgjöf og stuðningur til nemenda og starfsfólks í tengslum við agamál, líðan og félagsleg tengsl.
Einstaklings- og hópþjálfun.
Vinna með kennurum að gerð einstaklingsnámskráa og námsumhverfis sem hæfa ólíkum þörfum nemenda.
Fræðsla og ráðgjöf fyrir nemendur, aðstandendur og starfsfólk.
Þátttaka í þverfaglegu teymi.
Skráningar og skýrslugerð.

Menntunar- og hæfniskröfur

Íslenskt starfsleyfi sem iðjuþjálfi.
Faglegur metnaður og ábyrgð í starfi.
Sjálfstæði, skipulagsfærni og frumkvæði í vinnubrögðum.
Færni í samvinnu og teymisvinnu.
Áhugi á skólastarfi og vinnu með börnum og unglingum.
Jákvætt viðmót og sveigjanleiki í samskiptum.

Grýtubakkahreppur er fallegt og snyrtilegt ríflega 400 manna sveitarfélag við austanverðan Eyjafjörð, í 30 mínútna aksturfjarlægð frá Akureyri. Þar er góð þjónusta og gott félags- og íþróttastarf. Sveitarfélagið er ákjósanlegur staður til að búa í, ekki síst fyrir fjölskyldu- og barnafólk.

Nánari upplýsingar má finna á heimasíðu hreppsins, www.grenivik.is

Krummafótur er lítill einnar deildar leikskóli með 25 nemendur á aldrinum 1 til 6 ára. Við leggjum mikla áherslu á nærumhverfið okkar og frjálsan leik auk þess sem við vinnum með jákvæðan aga og Leikur að læra. Umfram allt er starf í Krummafæti fjölbreytt, gefandi og skemmtilegt en jafnframt krefjandi. Engir tveir dagar eins. Gleði, sorgir, líf og fjör hjá okkur alla daga. Nánari upplýsingar um skólann má finna á https://www.krummafotur.is/

Í Grenivíkurskóla eru um 50 nemendur í 1. – 10. bekk. Í skólanum er góður starfsandi og þar er leitast við að haga skólastarfinu í samræmi við eðli og þarfir nemenda og stuðla að alhliða þroska hvers og eins. Í skólanum er teymiskennsla í aldursblönduðum hópum. Meðal þess sem við leggjum ríka áherslu á er góður skólabragur, teymisvinna- og kennsla, lýðheilsa og umhverfismennt. Nánari upplýsingar um skólann má finna á https://ww.grenivikurskoli.is

Grenilundur er hjúkrunarheimili fyrir aldraða þar sem rík áhersla er lögð á heimilislegt andrúmsloft, virðingu og góða samvinnu milli starfsfólks og heimilisfólks. Fyrir frekari upplýsingar sendið fyrirspurnir á: fjola@grenivik.is

Auglýsing birt13. nóvember 2024

Umsóknarfrestur29. nóvember 2024

Tungumálahæfni