Sjúkraliði á bráðalyflækningadeild A2 Fossvogi
Við óskum eftir öflugum og áhugasömum sjúkraliða til starfa á bráðalyflækningadeild A2 í Fossvogi. Ráðið er í starfið sem fyrst eða eftir nánara samkomulagi.
Deildin er 20 rúma lyflækningadeild ætluð sjúklingum með bráð og langvinn lyflæknisfræðileg vandamál sem þarfnast innlagnar á sjúkrahús og falla undir almennar lyflækningar. Hjúkrunarviðfangsefnin á deildinni eru mjög fjölbreytt.
Á deildinni starfar öflugur hópur einstaklinga í þverfaglegum teymum og markvisst unnið að umbótum og framþróun. Hópurinn á deildinni er samhentur og ríkir góður starfsandi sem einkennist af vinnugleði og metnaði.
Við sækjumst eftir sjúkraliða sem býr yfir þekkingu og reynslu sem og nýútskrifuðum sjúkraliða. Við leggjum metnað í að taka vel á móti nýju starfsfólki og veitra góða einstaklingshæfða aðlögun. Starfið er í vaktavinnu og er starfshlutfall samkomulag.
Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
