Laus störf Hæfnileit Vinnustaðir Námskeið

Hnit Artelia

Hnit Artelia er staðsett á Háaleitisbraut 58-60 í Reykjavík. Hjá fyrirtækinu starfa nú tæplega 50 starfsmenn, sem saman móta samheldinn hóp sérfræðinga sem saman takast á við fjölbreytt verkefni. Fyrirtækið er hluti af Artelia Group, sem er alþjóðleg verkfræðistofa með yfir 11.000 starfsmenn, þar af 1.750 á norðurlöndunum. Samstarf og samlegð með skrifstofum erlendis gefur starfsmönnum tækifæri til að koma að spennandi verkefnum á erlendri grundu, og tengjast öðrum starfsstöðvum í verkefnum og þekkingarmiðlun.

Vinnustaðurinn

Sérfræðingur í hönnun lagna og loftræsingar

Við hjá Hnit Artelia leitum að reyndum hönnuði í fjölbreytt verkefni á sviði lagna- og loftræsihönnunar. Starfið felur m.a. í sér hönnun lagna- og loftræsikerfa í nýbyggingum og við endurbætur á eldra húsnæði, ásamt gerð útboðsgagna og áætlana.

Helstu verkefni og ábyrgð

Helstu verkefni sem þú sem lagna- og loftræsihönnuður munt fást við:

Koma að og/eða stýra fjölbreyttum verkefnum, stórum sem smáum, frá frumhönnun og þarfagreiningu til fullnaðarhönnunar, útboðsgagnagerðar og eftirfylgni á framkvæmdatíma.
Hanna hita-, neysluvatns-, fráveitu- og loftræsikerfi, vinna útreikninga og velja búnað. Útbúa teikningar, magntölur, verklýsingar og kostnaðaráætlanir með áherslu á orkunýtni, innivist og hagkvæman rekstur. Einnig gefst kostur á að sinna veituverkefnum, svo sem hönnun fráveitu- og vatnsveitukerfa.
Samræma lagna- og loftræsihönnun við arkitekta og önnur fagsvið, innan og utan Hnit Artelia.
Tryggja framvindu og gæði hönnunar, fylgja gildandi reglugerðum og stöðlum og stuðla að ánægju viðskiptavina og notenda.
Skoða ástand á núverandi búnaði og koma með tillögur að úrbótum.

Menntunar- og hæfniskröfur

Við leitum að einstaklingi sem:

Hefur lokið námi í verkfræði eða tæknifræði sem nýtist við lagna- og loftræsihönnun; M.Sc. gráða er æskileg.
Hefur reynslu af lagna- og loftræsihönnun bygginga og getur unnið sjálfstætt að hönnun, útreikningum og gerð hönnunargagna.
Hefur þekkingu á viðeigandi reglugerðum og stöðlum og reynslu af hönnunarhugbúnaði; kunnátta í Revit og BIM-vinnulagi er æskilegt.
Býr yfir mjög góðri samskipta-, skipulags- og samvinnuhæfni.
Hefur jákvætt viðhorf, frumkvæði og lausnamiðaða nálgun.
Hefur sjálfstæð og öguð vinnubrögð og leggur áherslu á vönduð hönnunargögn.
Býr yfir góðri kunnáttu í íslensku eða ensku; kunnátta í norðurlandatungumáli er kostur.

Við bjóðum upp á spennandi verkefni, virka starfsþróun og fjölskylduvænan vinnustað.

Það sem gerir starfið spennandi: Hér færðu tækifæri til að nýta reynslu þína í fjölbreyttum hönnunarverkefnum og fylgja lausnum frá fyrstu hugmynd að framkvæmd. Þú hefur áhrif á orkunýtni, innivist og rekstur bygginga og vinnur þvert á fagsvið að vönduðum lausnum. Samstarf við sérfræðinga innan Hnit Artelia og Artelia Group skapar vettvang fyrir þekkingarmiðlun og faglega þróun.

Hnit Artelia er staðsett á Háaleitisbraut 58-60 í Reykjavík og er hluti af Artelia Group. Tengslin við erlendar skrifstofur gefa starfsfólki tækifæri til að tengjast öðrum starfsstöðvum með samstarfi og þekkingarmiðlun. Hjá Hnit Artelia starfa nú tæplega 50 starfsmenn í samheldnum hópi sérfræðinga sem takast á við fjölbreytt verkefni. Artelia Group er alþjóðleg verkfræðistofa með yfir 11.000 starfsmenn, þar af 1.750 á Norðurlöndunum.

Hnit Artelia býður starfsmönnum sínum upp á uppbyggilegt starfsumhverfi í hópi færustu sérfræðinga, sem saman stuðla að framförum og vexti. Við leggjum áherslu á sálfræðilegt öryggi, þar sem við hjálpumst að við að leysa vandamálin. Vinnustaðurinn leggur áherslu á að styðja vel við starfsfólk sitt og taka tillit til ólíkra aðstæðna. Hnit Artelia vill stuðla að heilbrigðum mörkum milli vinnu og einkalífs, t.d. með sveigjanlegum vinnutíma og fjarvinnumöguleika. Starfsmannafélagið er virkt, með fjölbreyttum viðburðum, oft með mökum og/eða fjölskyldu.

Umsóknarfrestur er til og með 3. desember 2026.

Öll áhugasöm eru hvött til að sækja um, óháð uppruna, aldri eða kyni. Við trúum því að fjölbreyttir hópar skili bestu lausnunum. Farið verður með allar fyrirspurnir og umsóknir sem trúnaðarmál.

Nánari upplýsingar veitir Ólafur Daníelsson, aðstoðarframkvæmdastjóri, á [email protected] eða í síma 686 0228.

Auglýsing birt12. nóvember 2026

Umsóknarfrestur3. desember 2026

Tungumálahæfni