Húsnæðis- og mannvirkjastofnun (HMS)

Um vinnustaðinn Húsnæðis-og mannvirkjastofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkjamála og stuðlar að fyrirsjáanleika, skilvirkni og gæðum mannvirkjagerðar. Húsnæðis-og mannvirkjastofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 160 talsins.

Vinnustaðurinn

Sérfræðingur í landupplýsingum óskast á Akureyri

Húsnæðis- og mannvirkjastofnun (HMS) óskar eftir sérfræðingi í landupplýsingum í teymi fasteignaskrár sem staðsett er á Akureyri. Hlutverk teymisins er að halda utan um skráningu og afmörkun fasteigna á Íslandi ásamt því að þjónusta önnur svið HMS í greiningu og vinnslu landupplýsinga. Starfstöð er á skrifstofu HMS á Akureyri.

Þú færð tækifæri til að taka þátt í fjölbreyttum og áhugaverðum verkefnum ásamt því að leggja þitt af mörkum til samfélagsins.

Helstu verkefni og ábyrgð

Afmörkun og skráning fasteigna og viðhald landeignaskrár
Kortlagning landmerkja jarða
Viðhald og þróun staðfangaskrár
Landfræðileg greining í samvinnu við önnur svið HMS
Kortagerð og landfræðileg miðlun upplýsinga
Gæðaeftirlit gagna til að tryggja réttleika skráninga og landupplýsinga
Þátttaka í viðhaldi og þróun skráningakerfa fasteignaskrár og miðlun upplýsinga
Þjónusta við innri og ytri viðskiptavini
Ýmis önnur verkefni sem til falla á sviðinu

Menntunar- og hæfniskröfur

Háskólamenntun í landfræði, náttúruvísindum, verkfræði, skipulagsfræði eða sambærilegu
Reynsla af vinnslu og meðferð landupplýsinga er kostur
Skipulagshæfni, vönduð vinnubrögð, frumkvæði og sjálfstæði í starfi
Lipurð í samskiptum og samstarfi, þjónustulund og jákvætt viðmót
Réttindi sem merkjalýsandi er kostur
Færni í að tjá sig í ræðu og riti á íslensku og ensku

Umsóknum skal fylgja með ítarleg ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Laun eru samkvæmt gildandi kjarasamningum

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í hálft ár frá því að frestur rennur út.

Lögð er rík áhersla á fjölbreytni og við hvetjum alla áhugasama einstaklinga til að sækja um, óháð kyni og uppruna.

Nánari upplýsingar

Elín Dögg Ómarsdóttir, ráðgjafi hjá Hagvangi, [email protected]

Guðrún Alma Einarsdóttir, mannauðssérfræðingur, [email protected]

Tryggvi Ingvarsson, framkvæmdastjóri, [email protected]

Auglýsing birt8. október 2025

Umsóknarfrestur22. október 2025

Tungumálahæfni