Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Sérfræðingur á þjónustudeild - Reyðarfjörður

Vegagerðin auglýsir eftir sérfræðingi til að sinna fjölbreyttum verkefnum á þjónustudeild Austursvæðis. Þjónustudeild hefur umsjón og eftirlit með sumar- og vetrarþjónustu á svæðinu og öðru sem flokkast undir þjónustu á samgöngukerfinu, þ.m.t. malarvegir og landsvegir, ásamt framkvæmd smærri verkefna.

Austursvæði Vegagerðarinnar nær frá Vopnafirði í norðri að Gígjukvísl á Skeiðarársandi í suðri. Vegakerfið er rúmlega 2.100 km langt og á því eru þrenn jarðgöng. Þjónustustöðvar eru í Fellabæ, á Reyðarfirði og á Höfn. Svæðismiðstöð Austursvæðis er á Reyðarfirði.

Helstu verkefni og ábyrgð

Vinna við áætlanir og undirbúning þjónustuverkefna.
Umsjón og eftirlit með þjónustuverkefnum
Verðkannanir / útboðs- og verklýsingar
Sjá um verkfundi og skráningar í gagnabanka að loknum framkvæmdum.
Önnur verkefni, sem falla undir starfsvið þjónustudeildar

Menntunar- og hæfniskröfur

Háskólamenntun eða starfsreynsla sem nýtist í starfi
Verk- eða tæknimenntun æskileg
Frumkvæði og hæfni til að vinna sjálfstætt sem og í hópi
Góðir samstarfshæfileikar og þjónustulund
Gott vald á íslensku
Mjög góð tölvukunnátta
Góð öryggisvitund

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.

Áhugasamir einstaklingar af öllum kynjum eru hvattir til að sækja um.

Umsókn skal fylgja ferilskrá, prófskírteini og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu. Umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.

Starfshlutfall er 50-100%

Umsóknarfrestur er til og með 10.02.2025

Nánari upplýsingar veitir Sveinn Sveinsson, deildarstjóri - [email protected] - 522 1000

Auglýsing birt31. janúar 2025

Umsóknarfrestur10. febrúar 2025

Tungumálahæfni